قما شىعىس قازاقستان وبلىسى بويىنشا دەپارتامەنتى «QazConstructions» جشس باسشىلىعىنا قاتىستى تەرگەۋ جۇرگىزىپ جاتىر. ولار شىعىس قازاقستان جانە اباي وبلىستارىنىڭ 7 اۋدانىندا 11 الەۋمەتتىك نىساننىڭ قۇرىلىسىنا بولىنگەن بيۋدجەت قاراجاتىن جىمقىرۋ دەرەگى بويىنشا كۇدىككە ىلىككەن, دەپ جازادى Egemen.kz.
كۇدىكتىلەردىڭ قاتارىندا – «QazConstructions» جشس-ءنىڭ بۇرىنعى ديرەكتورىنىڭ ورىنباسارى, كۇرشىم اۋدانى ءماسليحاتىنىڭ دەپۋتاتى بار. ولاردىڭ زاڭسىز ارەكەتىنىڭ سالدارىنان 4 دەنە شىنىقتىرۋ-ساۋىقتىرۋ كەشەنى مەن 20 مىڭنان استام ادام تۇراتىن 7 اۋىلدى سۋمەن قامتاماسىز ەتۋگە ارنالعان سۋ قۇبىرى جەلىلەرى پايدالانۋعا بەرىلمەگەن.
جىمقىرىلعان قارجىنىڭ جالپى كولەمى 2 ملرد تەڭگەدەن اسادى. كۇدىكتىلەر بايلانىسى بار كومپانيالار ارقىلى قارجىنى قولما-قول اقشاعا اينالدىرىلعان.
«قىلمىستىق جولمەن الىنعان تابىسقا استاناداعى قىمبات ساناتتاعى تۇرعىن ءۇي كەشەندەرىنەن پاتەرلەر, «Lamborghini Urus», «Cadillac Escalade», «Mercedes» اۆتوكولىكتەرى مەن اسىل تۇقىمدى جىلقىلار ساتىپ الىنعان. بۇل م ۇلىككە سوت سانكتسياسىمەن تىيىم سالىندى», دەلىنگەن قما حابارلاماسىندا.
قازىر ولارعا قاتىستى تەرگەۋ جالعاسىپ, ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسى قولدانىلعان.