گازا سەكتورىندا يزرايل اسكەري اۋە كۇشتەرىنىڭ سوققىلارى سالدارىنان سوڭعى تاۋلىكتە 44 ادام قازا تاپقان, دەپ حابارلايدى Egemen.kz تاسس اگەنتتىگىنە سىلتەمە جاساپ.
پالەستينانىڭ دەنساۋلىق ساقتاۋ ورگاندارىنىڭ مالىمەتىنشە, ەڭ كوپ ادام ءولىمى نۋسەيرات پەن ەل-برەيدج بوسقىندار لاگەرلەرىندە تىركەلگەن. بۇل ايماقتاردا 18 ادام قازا تاۋىپ, 50-دەن استام تۇرعىن جارالانعان. زارداپ شەككەندەردىڭ بارلىعى «ال-اۋدا» اۋرۋحاناسىنا جەتكىزىلگەن.
يزرايل قارۋلى كۇشتەرى تاۋلىك ىشىندە انكلاۆ اۋماعىنداعى شامامەن 100 نىساناعا اۋە جانە ارتيللەريالىق سوققىلار جاساعان. اسىرەسە حان-يۋنيس پەن رافاحتىڭ وڭتۇستىك اۋداندارى قاتتى زارداپ شەككەن. يزرايل تاراپى مۇنى حاماس راديكالدى قوزعالىسىنىڭ ءبىتىم رەجيمىن بۇزۋىمەن بايلانىستىرعان.
مينيسترلىكتىڭ دەرەگىنشە, 10 قازاندا كۇشىنە ەنگەن اتىستى توقتاتۋ كەلىسىمىنەن بەرى گازادا 51 ادام كوز جۇمىپ, 150-دەن استامى جارالانعان.
ايتا كەتەيىك, گازاداعى بيلىك وكىلدەرى يزرايل اسكەرىن سوڭعى سەگىز كۇندە ءبىتىم رەجيمىن 47 رەت بۇزدى دەپ ايىپتاعان.