تۇركيانىڭ كايسەري قالاسىنداعى ترامۆاي بەكەتتەرىنىڭ بىرىندە قۇلاققاپ تاعىپ كەلە جاتقان ايەل ترامۆاي جولىنا ابايسىزدا وتپەك بولعان. ونى سول ماڭدا قىزمەت اتقارىپ جۇرگەن كۇزەتشى دەر كەزىندە بايقاپ, شەتكە شىعارىپ ۇلگەرگەن, دەپ حابارلايدى Egemen.kz.
انادولى اگەنتتىگىنىڭ حابارلاۋىنشا, كايسەري قالالىق مۋنيتسيپاليتەتىنىڭ كولىك باسقارماسى وقيعاعا قاتىستى مالىمدەمە جاساپ, كۇزەتشىنىڭ قىراعىلىعىنىڭ ارقاسىندا ۇلكەن قايعىلى جاعدايدىڭ الدىن العانىن ايتتى.
«بۇگىن تاڭەرتەڭ ترامۆاي جەلىسىندە قۇلاققاپ تاعىپ جۇرگەن جولاۋشى ومىرىنە قاۋىپ ءتوندىرىپ الدى. باقىتىمىزعا وراي, قاۋىپسىزدىك قىزمەتكەرىنىڭ جىلدام ارەكەتى ونىڭ ءومىرىن ساقتاپ قالدى», دەلىنگەن رەسمي حابارلامادا.
قالالىق بيلىك تۇرعىنداردى قوعامدىق كولىكتەر ماڭىندا ءجۇرىپ-تۇرۋ كەزىندە اباي بولۋعا جانە قۇلاققاپتى پايدالانباۋعا شاقىرادى.