ۇلىتاۋ وبلىسى جاڭاارقا اۋدانىنداعى ساكەن سەيفۋللين اتىنداعى تاريحي-ولكەتانۋ مۋزەيىندە ءتۇرلى جادىگەر جيناقتالعان. مۇنداعى قۇندى دۇنيەلەردىڭ ءبىرى – بيبىعايشا حاليلاقىزىنىڭ قولىنان شىققان تۇسكيىز.
بۇل تۇسكيىزدى بيبىعايشا حاليلاقىزى 1946 جىلى قولعا الىپ, 16 جىل توقىپتى. 1970 جىلى كانادادا وتكەن كورمەگە قويىلعان. جاڭاارقا اۋداندىق تاريحي-ولكەتانۋ مۋزەيىنىڭ ديرەكتورى ەربولات شۋباەۆ:
«كانادادا وتكەن كورمەدەن كەيىن تۇسكيىز جوعالىپ كەتەدى. سودان رەسپۋبليكالىق «مادەنيەت جانە تۇرمىس» (كەيىنگى «پاراسات») جۋرنالىندا «ابايدىڭ قىز-كەلىندەرى» اتتى فوتو جارىققا شىعادى. ول سۋرەتتە وسى تۇسكيىزگە قىزدار مەن كەلىندەردى وتىرعىزىپ قويعان ەكەن. ونى يەسى بيبىعايشا انا تانىپ قويىپ, سول ۋاقىتتاعى مادەنيەت ءمينيسترى دۇيسەن قاسەيىنوۆكە حات جازىپ, قۇندى دۇنيەسىن مۋزەيگە قايتادان الدىرادى», دەيدى.
كىلەمنىڭ ۇزىندىعى بەس مەتردەن اسادى. قابىرعاعا سىيماعان تۇسىن بۇكتەپ قويعان, ءتۇرلى-ءتۇستى ورنەكتەرمەن بەزەندىرىلگەن تۇسكيىز مۋزەي ىشىنە ەرەكشە ءسان بەرىپ تۇر.
ۇلىتاۋ وبلىسى