ەلىمىزدە 2026 جىلدان باستاپ الەۋمەتتىك ماڭىزى بار ازىق-ت ۇلىك تاۋارلارىنىڭ ء(امات) ءتىزىمىن بەكىتۋ تاجىريبەسى توقتاتىلماق. بۇل تۋرالى ساۋدا جانە ينتەگراتسيا ءمينيسترى ارمان شاققاليەۆ ۇكىمەت بريفينگىندە مالىمدەدى, دەپ جازادى Egemen.kz.
ء«امات – بۇل ءبىر تۇرعىدا ەسكىلىكتىڭ قالدىعى, ياعني ءبىز بەلگىلى ءبىر تىزىمدەر جاساپ, وندىرۋشىلەرگە قانداي باعا قويۋ كەرەگىن, قانداي ۇستەمە بولاتىنىن ايتامىز. ءبىز نارىقتىق تەتىكتەردى, قۇرالداردى قولداناتىن بولامىز, بۇل شىن مانىندە اناعۇرلىم ءتيىمدى ۇلگى. ول وندىرۋشىلەرگە دە, تۇتىنۋشىلارعا دا, جالپى بارلىق قاتىسۋشىلارعا رەتتەۋشىلىك قىسىمنىڭ تومەن بولۋىنا مۇمكىندىك بەرەدى. مۇنداي تەتىكتىڭ تيىمدىلىگى, مەنىڭ ويىمشا, اناعۇرلىم جوعارى بولادى», دەدى ا. شاققاليەۆ.
ءمينيستردىڭ سوزىنشە, اكىمشىلىك رەتتەۋ تولىق جويىلمايدى. بۇرىنعىداي ۇستەمە باعانىڭ ەڭ جوعارى شەگى 15%-دان اسپايتىنى بەلگىلەنگەن. سونىمەن قاتار اتاۋلى الەۋمەتتىك كومەك (ااك) الۋشىلاردى قولداۋ ءۇشىن ازىق-ت ۇلىك ۆاۋچەرلەرى ەنگىزىلمەك.
ء«بىز اقكولدە, كوكشەتاۋدا, پاۆلوداردا پيلوتتىق جوبانى جۇرگىزىپ جاتىرمىز. مۇندا اتاۋلى تسيفرلىق الەۋمەتتىك كومەك اياسىندا ااك الۋشىلارعا ازىق-ت ۇلىك ۆاۋچەرلەرى بەرىلەدى, ولار جىل ىشىندە تاۋاردى جەڭىلدەتىلگەن باعامەن ساتىپ الۋعا مۇمكىندىك بەرەدى. ءبىزدىڭ مىندەتىمىز – وسى. قاناتقاقتى جوبا جىل سوڭىنا دەيىن جالعاسادى. 2026 جىلى ءبىز ونى كەزەڭ-كەزەڭىمەن تاراتا باستايمىز», دەپ اتاپ ءوتتى سيم باسشىسى.