وبلىستىڭ ءتورت اۋدانىندا قاۋىرسىن قاناتتىلار جاپپاي ءولىپ جاتىر. ۆەتەرينارلار ازىرشە ونىڭ سەبەبىن تاپپاي وتىر, دەپ حابارلايدى Egemen.kz.
تەرەڭكول, جەلەزين, شارباقتى جانە اقتوعاي اۋداندارىندا ءۇي قۇستارى ءولىپ جاتىر. تۇرعىنداردىڭ ايتۋىنشا قاۋىرسىن قاناتتىلاردىڭ قىرىلۋى قىركۇيەك ايىنىڭ باسىندا تىركەلگەن. قاز, ۇيرەك, تاۋىقتار باستارىن قاناتىنىڭ استىنا تىعىپ العان كۇيى سۇلاپ تۇسەدى.
ۆەتەريناريا باسقارماسى قۇستاردىڭ قىرىلۋىن راستادى. بىراق ازىرشە ىندەتتىڭ ناقتى سەبەبى بەلگىسىز. سوندىقتان ماماندار دەزينفەكتسيالىق شارالاردى ءالى باستاي الماي وتىر.
- وتكەن جۇمادا ۆەتەريناريا بويىنشا رەفەرەندتىك ورتالىقتان ماماندار كەلىپ, جابايى قۇستاردىڭ دا سىنامالارىن زەرتتەۋگە الدى. بىراق ءالى كۇنگە دەيىن ناتيجەسى كەلگەن جوق. وبلىس بويىنشا ولگەن قۇستىڭ سانى 1,5 مىڭعا دەيىن جەتەدى, دەيدى وڭىرلىك ۆەتەريناريا باسقارماسىنىڭ ءبولىم باسشىسى عالىم بەيسەنوۆ.
پاۆلودار وبلىسى