26 قىركۇيەكتە مەملەكەت باسشىسى قاسىم-جومارت توقاەۆ قازاقستان رەسپۋبليكاسى پرەزيدەنتى جانىنداعى عىلىم جانە تەحنولوگيالار جونىندەگى ۇلتتىق كەڭەستىڭ وتىرىسىن وتكىزەدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
سونىمەن قاتار 27 قىركۇيەكتە استاناعا ميانما پرەزيدەنتىنىڭ مىندەتىن اتقارۋشى, مەملەكەتتىك اكىمشىلىك كەڭەس توراعاسى مين اۋن حلاين ساپارمەن كەلەدى. اقوردادا ەكى ەل اراسىنداعى ىنتىماقتاستىق ماسەلەلەرى تالقىلاناتىن جوعارى دەڭگەيدەگى كەلىسسوزدەر جۇرگىزۋ جوسپارلانىپ وتىر.
29-30 قىركۇيەك كۇندەرى قاسىم-جومارت توقاەۆتىڭ شاقىرۋىمەن يتاليا پرەزيدەنتى سەردجو ماتتارەللا ەلىمىزگە رەسمي ساپارمەن كەلەدى. مەملەكەتتەر باسشىلارى كەلىسسوز جۇرگىزىپ, ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق ىقپالداستىقتى نىعايتۋ پەرسپەكتيۆالارىن تالقىلايدى.