16 قىركۇيەكتە الماتى ۋاقىتى بويىنشا ساعات 02:00 بەن 04:00 ارالىعىندا جەر بەتىندە جاڭا ماگنيتتىك داۋىل تىركەلدى. بۇل G1 دەڭگەيىندەگى ء(السىز) قۇبىلىس بولىپ سانالادى, دەپ حابارلايدى Egemen.kz.
قازىرگى ۋاقىتتا جەر عالامارالىق ورتا پارامەترلەرىنىڭ وزگەرىستەرىنە بەيىمدەلىپ, تۇراقسىز تەپە-تەڭدىككە جەتكەن سياقتى. العاشقى سوققى كەزىندە بايقالعان G3 دەڭگەيىندەگى بۇزىلىستار قازىر جوق. بۇل شامامەن كۇن تاجىندەگى تەسىك ارقىلى ءوتۋدىڭ باستاپقى بولجامىنا سايكەس كەلەدى. ەگەر جاڭا فاكتورلار ارالاسپاسا, گەوماگنيتتىك جاعداي الداعى 2-3 تاۋلىكتە وسىلاي ساقتالادى. ودان كەيىن جەر بۇزىلعان عارىش ايماعىنان شىعادى, – دەلىنگەن رەسەي عىلىم اكادەمياسىنىڭ عارىشتىق زەرتتەۋلەر ينستيتۋتىنىڭ كۇن استرونومياسى زەرتحاناسى تاراتقان اقپاراتتا.
سونىمەن بىرگە تەرىس جاعداي رەتىندە كۇن جەلىنىڭ اسا جوعارى جىلدامدىعى اتالىپ ءوتتى.
ماگنيت ءورىسىنىڭ ءالسىز رەاكتسياسى كۇن جەلىنىڭ ماگنيتتىك ءورىسى ەنەرگياسىنىڭ تومەندىگىمەن تۇسىندىرىلەدى. جىلدامدىقتىڭ ارتۋىنا قاراماستان, ەنەرگيا كۇرت تومەندەپ, جەردىڭ ماگنيت ورىسىنە تۇسەتىن قىسىمدى ازايتتى, – دەپ تولىقتىردى زەرتحانا ماماندارى.