الماتى وبلىسى رايىمبەك اۋدانىندا قىركۇيەكتىڭ 13-ءى كۇنى كەشكىلىك اۋىل اكىمى مىنگەن كولىك اۋدارىلىپ, ءبىر ادام قازا تاپتى. تاعى ەكى جولاۋشى اۋىر جاراقات الىپ, جانساقتاۋ بولىمىنە جەتكىزىلدى. قايعىلى وقيعا نارىنقول-سارىجاز اۆتوجولىندا ورىن العان, دەپ جازادى Egemen.kz.
الدىن الا مالىمەت بويىنشا, Bestune T55 ماركالى كولىگىن باسقارىپ كەلە جاتقان تالعار اۋدانى تۇزدىباستاۋ اۋىلىنىڭ تۇرعىنى, 1986 جىلى تۋعان دۋلات داۋلەتاليەۆ تىزگىنگە يە بولا الماي, كولىك اۋدارىلىپ كەتكەن.
اپات سالدارىنان جۇرگىزۋشى د.داۋلەتاليەۆ پەن 1991 جىلى تۋعان تۇزدىباستاۋ اۋىلىنىڭ تۇرعىنى شوقان مۇحتارباي ۇلى وكەنوۆ اۋىر جاراقات الىپ, نارىنقول اۋداندىق ورتالىق اۋرۋحاناسىنىڭ جانساقتاۋ بولىمىنە جەتكىزىلگەن. ال 1987 جىلى تۋعان شىڭعىس مۇحتارباي ۇلى وكەنوۆ العان جاراقاتىنان جولدا كوز جۇمعان.
بەلگىلى بولعانداي, جول-كولىك وقيعاسىنان زارداپ شەككەندەر اراسىندا تالعار اۋدانىنىڭ اۋىلدىق وكرۋگىنىڭ اكىمى دە بار.
اتالعان دەرەك بويىنشا قر قك 345-بابىنىڭ 3-بولىگىمەن سوتقا دەيىنگى تەرگەۋ باستالدى.
الماتى وبلىسى.