بۇگىندە تسيفرلىق تەحنولوگيالار ەكونوميكانىڭ بارلىق سالاسىندا بەلسەندى ەنگىزىلىپ جاتىر. مەملەكەت باسشىسى بيىلعى جولداۋىندا تسيفرلاندىرۋدىڭ ەل دامۋىنداعى رولىنە ايرىقشا توقتالدى. وسى رەتتە, اۋىل شارۋاشىلىعىندا جاساندى ينتەللەكتىنىڭ ەنگىزىلۋى ءداستۇرلى ەگىنشىلىكتەن زياتكەرلىك اگروونەركاسىپكە كوشۋگە مۇمكىندىك بەرەدى. قوستاناي وبلىسىندا وسىمدىك شارۋاشىلىعىندا «مetos» كومپانياسىنىڭ وزىق تەحنولوگيالارى ەنگىزىلىپ جاتىر. ولار 35+ داقىلدارداعى اۋرۋدىڭ 85-تەن استام ءتۇرىن ەرتە انىقتاۋ ءۇشىن, سونداي-اق اۋا رايىنىڭ ساعاتتىق بولجامىن قامتاماسىز ەتۋ ءۇشىن قولدانىلادى.
«بارلىق دەرەك ناقتى ۋاقىت رەجىمىندە ۇسىنىلادى, بۇل تيىمدىلىكتى ارتتىرۋ جانە ەگىن شىعىنىن ازايتۋ ءۇشىن جەدەل شەشىم قابىلداۋعا مۇمكىندىك بەرەدى. مال شارۋاشىلىعىندا دا ءبىز «اقىلدى» فەرمالار تۇجىرىمداماسىن ەنگىزىپ جاتىرمىز. ەلەكتروندىق بوليۋس – كاپسۋلالاردىڭ كومەگىمەن ءسۇتتى سيىرلاردىڭ دەنساۋلىعىن تاۋلىك بويى زياتكەرلىك تالداۋ قامتاماسىز ەتىلەدى. جاساندى ينتەللەكتى باستاپقى دەرەكتەردى لەزدە وڭدەۋ ارقىلى اۋرۋدىڭ دامۋىن بولدىرمايتىن ىقتيمال ماسەلەلەرگە ناقتى ۇسىنىس بەرەدى.
وسىلايشا, بۇكىل «اقىلدى» فەرما ءۇشىن توتەنشە تۋىندايتىن ءارتۇرلى ماسەلە ايتارلىقتاي ازايادى», دەدى وبلىس اكىمى قۇمار اقساقالوۆ «KIA Qazaqstan» زاۋىتى اۋماعىندا وتكەن «جاساندى ينتەللەكتىنىڭ ءوڭىر دامۋىندا الاتىن ورنى» اتتى ينۆەستيتسيالىق فورۋمدا.
ايماق باسشىسىنىڭ ايتۋىنشا, ينۆەستورلاردى قولداۋدىڭ وندىرىستىك, كولىكتىك جانە سەرۆيستىك ينفراقۇرىلىمى جەتىلدىرىلىپ جاتىر
«ناتيجەسىندە, كەيىنگى 5 جىلدا ءوڭىر ەكونوميكاسىنا 3 ملرد دوللار تارتىلدى. ءبىرىنشى توقساندا وبلىس ەكونوميكاسىنا شامامەن 200 ملن دوللار ينۆەستيتسيا سالىندى. قوستاناي – ەل كولەمىندە بوكسيت, اسبەست جانە تەمىر رۋداسىن وندىرەتىن بىردەن-ءبىر ايماق. ءبىز تەمىر يلەمدەرى مەن تەمىر كەنى كونتسەنتراتىن ءوندىرۋ جاعىنان, اۆتوموبيل, اوك-ءتىڭ وڭدەلگەن ونىمدەرىن, ونىڭ ىشىندە ازىق-ت ۇلىك ونىمدەرىن ەكسپورتتاۋ بويىنشا ءبىرىنشى ورىندا تۇرمىز. قازىردە ءوڭىر ەكونوميكاسىن ودان ءارى دامىتاتىن ءتورت نەگىزگى ستراتەگيالىق باعىتتى بەلگىلەپ الدىق, ولار – ماشينا جاساۋ سالاسى, كولىك-لوگيستيكالىق ينفراقۇرىلىم, قارا مەتاللۋرگيا جانە اگروونەركاسىپ كەشەنى», دەدى اكىم.
ەۋرووداقتىڭ قازاقستانداعى ەلشىسى الەشكو سيمكيچ استىق ونىمدىلىگىن ارتتىرۋ, سۋدى ءتيىمدى پايدالانۋدىڭ وزىق تەحنولوگياسىن كەڭىرەك قولدانىسقا ەنگىزۋ تۇرعىسىنان قوستاناي وبلىسىمەن ەكىجاقتى ءتيىمدى بايلانىس ورناتۋدىڭ ماڭىزى زور دەپ ەسەپتەيتىنىن جەتكىزدى. تسيفرلىق دامۋ ۆيتسە-ءمينيسترى دميتري مۋن «Astana Hub» تەحنوپاركىنىڭ جانە ونىڭ قوستانايداعى فيليالى – «Qostanai Hub»-تىڭ ماڭىزىن اتاپ ءوتتى. فورۋم اياسىندا اۋقىمدى تەحنولوگيالىق كورمە ۇيىمداستىرىلىپ, وندا جاساندى ينتەللەكتى تەحنولوگيالارىن بيزنەستە, وندىرىستە بەلسەندى قولداناتىن كومپانيالاردىڭ ونىمدەرى كوپشىلىك نازارىنا ۇسىنىلدى. سولاردىڭ ءبىرى – «ERG» قۇرامىنداعى «ۆتS» كومپانياسى.
ء«بىز فورۋمعا جاساندى ينتەللەكتى باعىتىندا جاسالعان 3 جوبا الىپ كەلدىك. ءبىرىنشىسى, كارەر ماڭىندا جۇمىس ىستەيتىن تەحنيكالاردىڭ بارلىق ءىس-قيمىلىنا مونيتورينگ جاسايتىن تسيفرلىق سىڭارى. سونداي-اق جۇمىسشىلاردىڭ قارىم-قاتىناسىن جەڭىلدەتەتىن, قىزمەتتىك قاجەتتىلىكتەرىنە بايلانىستى اقپاراتتى تەز الۋعا بولاتىن «ەrgiz» جۇيەسى بار. ءۇشىنشىسى – كەز كەلگەن اۆتوماتتاندىرىلعان ءوندىرىس ورىنىنىڭ مىڭداعان ءىس-قيمىلىن جيناقتاپ, كاسىپورىن باسشىلىعىنا, تەحنولوگياعا جاۋاپتى قىزمەتكەرلەرگە ءاپ-ساتتە مالىمەت, باعىت-باعدار بەرىپ وتىراتىن «Mes» جوباسى. ءبىزدىڭ كومپانيا ەنگىزگەن يننوۆاتسيالىق باعدارلاما ءبۇتىن ءبىر زاۋىتتىڭ ەڭبەك ونىمدىلىگىن 30%-عا ارتتىرادى», دەيدى «ەۋرازيالىق وداق BTS» جشس باس ديرەكتورى ماعاۋيا ىسقاقوۆ.
قوستاناي وبلىسى