ءماجىلىس دەپۋتاتى اسحات ايماعامبەتوۆ اۆتوماتتى قايتا قوڭىراۋ شالۋ – اۆتودوزۆون ماسەلەسى بويىنشا زاڭناماعا وزگەرىستەر ەنگىزىلىپ جاتقانىن مالىمدەدى, دەپ حابارلايدى Egemen.kz.
ونىڭ ايتۋىنشا, بۇل ماسەلە بۇعان دەيىن ءمينيستردىڭ الدىندا كوتەرىلىپ, ناتيجەسىندە بايلانىس قىزمەتتەرىن كورسەتۋ قاعيدالارىنا ءتيىستى تۇزەتۋلەر دايىندالعان.
جاڭا ەرەجەگە سايكەس, ەندى ابونەنتتەرگە قابىلدانباعان قوڭىراۋلار تۋرالى حابارلاۋ تەك SMS ارقىلى جۇزەگە اسىرىلۋى مۇمكىن. بۇل وزگەرىس ازاماتتاردى مازالايتىن اۆتوماتتى قوڭىراۋلار سانىن ازايتۋعا باعىتتالعان.
«تىيىم سالۋ جەتكىلىكسىز»: اسحات ايماعامبەتوۆ وقۋشىلاردىڭ مەكتەپتە سمارتفون قولدانۋىنا قاتىستى پىكىر ءبىلدىردى
سونىمەن قاتار زاڭ جوباسى اياسىندا رۇقسات ەتىلمەگەن ترافيكتى گەنەراتسيالاۋعا تىيىم سالۋ بويىنشا دا ارنايى نورمالار قاراستىرىلىپ جاتىر.
دەپۋتاتتىڭ پىكىرىنشە, حالىقتى الاڭداتاتىن جانە سپامعا اينالعان زاڭسىز قوڭىراۋلارعا قۇقىقتىق تۇرعىدان ناقتى توسقاۋىل قويۋ ماڭىزدى.