قازاقستاننىڭ ءبىرىنشى, الەمنىڭ ونىنشى راكەتكاسى الەكساندر بۋبليك ATP 250 شۆەيتساريا ءتۋرنيرىنىڭ جارتىلاي فينالىنا جولداما الدى, دەپ حابارلايدى Egemen.kz.
شيرەك فينالدا قازاقستاندىق تەننيسشى الەمدىك رەيتينگتە 24-ورىندا تۇرعان فرانتسيالىق ارتۋر ريندەركنەشتى ءۇش سەت قورىتىندىسى بويىنشا جەڭدى. كەزدەسۋ 5:7, 6:4, 6:2 ەسەبىمەن اياقتالدى.
وسى جەڭىستەن كەيىن بۋبليك پەن ريندەركنەش اراسىنداعى جەكە كەزدەسۋلەردەگى ەسەپ 2:2-گە تەڭەستى.
ماتچ 1 ساعات 54 مينۋتقا سوزىلدى. ويىن بارىسىندا الەكساندر سەگىز ەيس جاساپ, ءۇش رەت قوس قاتەلىككە جول بەردى. سونداي-اق التى برەيك-پوينتتىڭ ۇشەۋىن ءساتتى پايدالاندى.
تاريحي جەتىستىك: ۇستەل تەننيسىنەن الەم چەمپيوناتىندا قازاقستان قۇراماسى جاڭا بەلەستى باعىندىردى
فينالعا شىعۋ ءۇشىن قازاقستاندىق تەننيسشى الەمدىك رەيتينگتە 20-ورىندا تۇرعان امەريكالىق ليورنەر تەنمەن كەزدەسەدى.
ال ەكىنشى جارتىلاي فينالدا نورۆەگيالىق كاسپەر رۋد پەن ارگەنتينالىق ماريانو ناۆونە فينال جولداماسىن ساراپقا سالادى.
ايتا كەتەيىك, 2027 جىلى استانادا ۇستەل تەننيسىنەن الەم چەمپيوناتى وتەدى.