قارجىلىق مونيتورينگ اگەنتتىگىنىڭ جامبىل وبلىسى بويىنشا دەپارتامەنتى «ENVIDA AI» اتاۋىمەن جۇمىس ىستەگەن قارجى پيراميداسىن قۇرۋ جانە وعان جەتەكشىلىك ەتۋ دەرەگى بويىنشا سوتقا دەيىنگى تەرگەپ-تەكسەرۋ جۇرگىزىپ جاتىر, دەپ حابارلايدى Egemen.kz.
تەرگەۋ مالىمەتىنە سايكەس, جوبا ۇيىمداستىرۋشىلارى WhatsApp مەسسەندجەرىندە «Envida ai ەجەدنەۆنىي پاسسيۆنىي دوحود» جانە «Envida ai سۋپەر نوۆىي پروەكت ەجەدنەۆنىي پاسسيۆنىي دوحود» اتاۋىمەن توپتار اشىپ, ازاماتتاردى جوعارى ءارى تۇراقتى تابىسقا ۋادە بەرۋ ارقىلى تارتقان.
جوبانىڭ ماركەتينگتىك جۇيەسى كوپدەڭگەيلى سحەماعا قۇرىلعان. نەگىزگى تابىس جاڭا قاتىسۋشىلاردىڭ سالىمى ەسەبىنەن قالىپتاسىپ وتىرعان.
ۇيىم ءوزىن ناقتى اكتيۆتەرگە ينۆەستيتسيا سالاتىن حالىقارالىق ەكوجۇيە رەتىندە تانىستىرعان.
900-دەن استام سالىمشى الدانعان: شىمكەنتتە جاسىرىن قارجى پيراميداسى اشكەرەلەندى
تەرگەۋ بارىسىندا قارجى پيراميداسىنا 370-تەن استام سالىمشى تارتىلعانى انىقتالدى. ولاردىڭ قاتارىندا اقتوبە, اتىراۋ, قىزىلوردا, پاۆلودار, تۇركىستان وبلىستارى مەن الماتى قالاسىنىڭ تۇرعىندارى بار.
«قازىرگى ۋاقىتتا تەرگەۋ امالدارى جالعاسىپ جاتىر. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتىلمەيدى», دەلىنگەن حابارلامادا.
سونىمەن قاتار قارجىلىق مونيتورينگ اگەنتتىگى ازاماتتارعا قارجى پيراميدالارىنىڭ بەلگىلەرىن انىقتاۋعا مۇمكىندىك بەرەتىن «Baiqa, piramida!» Telegram-بوتى جۇمىس ىستەيتىنىن ەسكە سالادى.
بۇعان دەيىن كووپەراتيۆ اتىن جامىلعان قارجى پيراميداسى تۋرالى جازىلعان.