قاناتقاقتى جوبا وسكەلەڭ ۇرپاقتى بالا كەزىنەن كىتاپ وقۋعا داعدىلاندىرۋ, حالىق اراسىندا وقۋ مادەنيەتىن قالىپتاستىرۋ, تۇپتەپ كەلگەندە, ءبۇتىن ەل بولىپ الەمدەگى ەڭ كوپ كىتاپ وقيتىن ون ەلدىڭ قاتارىنا ەنۋ سياقتى بيىك ماقسات قويىپ وتىر.
جوبا مەملەكەت باسشىسى قاسىم-جومارت توقاەۆتىڭ اتىراۋدا وتكەن ۇلتتىق قۇرىلتايدا ايتقان تۇجىرىمداماسى نەگىزىندە جۇزەگە اسىرىلادى. جوبا اياسىندا «كىتاپ وقيتىن مەكتەپ», «كىتاپ وقيتىن كوللەدج», «كىتاپ وقيتىن ۋنيۆەرسيتەت», «كىتاپ وقيتىن پەداگوگ», «كىتاپ وقيتىن اۋلەت», «كىتاپ وقيتىن مەملەكەتتىك قىزمەتشى» دەپ اتالاتىن التى باعىت بويىنشا بايقاۋ ۇيىمداستىرىلادى.
ءار باعىتقا قاتىسۋشىلاردىڭ جاسى مەن قىزىعۋشىلىقتارى ەسكەرىلە وتىرىپ 15 كىتاپ دايىندالعان. جالپى, تىزىمگە «100 كىتاپ» جالپىۇلتتىق ساۋالناما ناتيجەسىندە تاڭدالعان شىعارمالار مەن الەمدىك بەستسەللەرلەر ەنگىزىلدى. مىسالى, «وقيتىن مەكتەپ» باعىتى ءۇشىن 6–10 سىنىپ وقۋشىلارىنا ءار سىنىپقا 15 كىتاپتان, جالپى 75 كىتاپ ءتىزىمى ازىرلەنگەن.
«كىتاپ وقيتىن ۇلت» جوباسى اياسىندا بايقاۋعا قاتىسۋشىلار كىتاپ وقيدى, شىعارماشىلىق تاپسىرمالار ورىندايدى, زياتكەرلىك بايقاۋلاردا باق سىناسادى.
2025 جىلى اتالعان جوباعا قوستاناي وبلىسىنىڭ 40 مىڭنان استام تۇرعىنى قاتىسادى. بايقاۋدى «Amanat» پارتياسىنىڭ قولداۋىمەن «كىتاپ وقيتىن ۇلت – چيتايۋششايا ناتسيا» قوعامدىق قورى مەن قوستاناي وبلىسىنىڭ اكىمدىگى ۇيىمداستىرىپ وتىر. باس دەمەۋشى – «Alageum Electric» كومپانياسى. ء«بىزدىڭ باستى ماقساتىمىز – ەلىمىزدە كىتاپ وقۋ مادەنيەتىن قالىپتاستىرۋ, بالالاردان باستاپ بارلىق ساناتتاعى ازاماتتارىمىزدىڭ كىتاپقا دەگەن سۇيىسپەنشىلىگىن وياتۋ», دەيدى اتالعان قوردىڭ اتقارۋشى ديرەكتورى ايان ساكوشەۆ.
مۇنىڭ سىرتىندا, مەكتەپتەردە وقىرماندار كلۋبتارى قۇرىلىپ, وقىلعان شىعارمانى تالداۋ, تالقىلاۋ كەشتەرى وتەدى.
«بۇگىن ءبىز وبلىستا «كىتاپ وقيتىن ۇلت» جوباسىنىڭ باستالعانىن جاريالايمىز. اتالعان جوباعا قاراعاندى وبلىسى مەن شىمكەنت قالاسى دا قاتىسادى. سوندىقتان ءوڭىر تۇرعىندارىن كوشتەن كەيىن قالىپ قويماي وقىرماندار سايىسىنا بەلسەندى قاتىسۋعا شاقىرامىن. بۇل – جاڭا ءبىلىم كوكجيەگىن اشاتىن, جەكە تۇلعانى دامىتاتىن جانە زياتكەرلىك الەۋەتتى نىعايتاتىن, وقۋ مادەنيەتىن قالىپتاستىرۋعا جاسالاتىن ماڭىزدى قادام», دەيدى قوستاناي وبلىسى اكىمىنىڭ ورىنباسارى باقىتجان نارىمبەتوۆ.
بايقاۋ جەڭىمپازدارى قوماقتى قارجىلاي سىيلىقپەن ماراپاتتالادى.
قوستاناي وبلىسى