ەرەكشە ءبىلىم بەرۋ قاجەتتىلىگى بار بالالار ءۇشىن ءبىلىمنىڭ قولجەتىمدىلىگىن قامتاماسىز ەتۋ جانە ساپاسىن ارتتىرۋ ماقساتىندا ەلىمىزدىڭ مەكتەپتەرىندە 1093 قولداۋ كابينەتى جۇمىس ىستەيدى, دەپ حابارلايدى Egemen.kz.
وقۋ-اعارتۋ مينيسترلىگىنىڭ مالىمەتىنشە, اتالعان كابينەتتەردە پسيحولوگتار, ارنايى جانە الەۋمەتتىك پەداگوگتەر, سونداي-اق پەداگوگ-اسسيستەنتتەر ەرەكشە ءبىلىم بەرۋ قاجەتتىلىگى بار بالالارعا قولايلى جاعداي جاساپ, ولاردى مەكتەپ ورتاسىنا بەيىمدەۋگە كومەكتەسەدى.
بۇگىندە وڭىرلەردە 270 پسيحولوگيالىق-پەداگوگيكالىق تۇزەتۋ كابينەتى (پپتك) جانە 110 پسيحولوگيالىق-مەديتسينالىق پەداگوگيكالىق كەڭەس (پمپك) اشىلعان.