پرەزيدەنتتىڭ 2024 جىلعى جولداۋىن جانە وزگە دە تاپسىرمالارىن جۇزەگە اسىرۋ شەڭبەرىندە «تازا قازاقستان» ەكولوگيالىق باستاماسى باستالعالى ەلىمىزدە 1 مىڭنان استام ەكولوگيالىق اكتسيا وتكىزىلىپ, وعان 10,4 ملن-نان استام ادام قاتىستى, ونىڭ ىشىندە 586 مىڭى ەرىكتى, دەپ جازادى Egemen.kz.
«جالپى 1,6 ملن توننادان استام قالدىق جينالىپ, 859,6 مىڭ گا اۋماق تازارتىلدى», دەپ ناقتىلادى ەكولوگيا جانە تابيعي رەسۋرستار ءمينيسترى ەرلان نىسانباەۆ.
«تازا قازاقستان» باستاماسى ازاماتتاردىڭ جۇيەلى كوزقاراسى, ساياسي ەرىك-جىگەرى مەن بەلسەندى قاتىسۋى ناقتى جەمىسىن بەرە الاتىنىن كورسەتتى. ەل تۇراقتى ەكولوگيالىق دامۋ باعىتىن ايقىنداپ العا باسادى, باستاما ءاربىر تۇرعىننىڭ قورشاعان ورتا ءۇشىن جاۋاپكەرشىلىك مادەنيەتىن قالىپتاستىرۋ ءۇشىن بەرىك نەگىز جاسايدى.