اتىراۋ قالاسىندا ۇزاق ۋاقىت بويى بالالارىن اسىراۋ جونىندەگى مىندەتتەرىن ورىنداماعان توعىز اتا-انا انىقتالدى. قارىزدىڭ جالپى سوماسى 46 ميلليون تەڭگەدەن اسادى, دەپ جازادى Egemen.kz.
اتىراۋ وبلىسىنىڭ پروكۋراتۋراسىنان ءمالىم ەتكەندەي, بارلىق دەرەككە قاتىستى قىلمىستىق كودەكسىنىڭ 139-بابىمەن سوتقا دەيىنگى تەرگەپ-تەكسەرۋلەردى تىركەدى.
«كامەلەتكە تولماعانداردىڭ قۇقىقتارىن قورعاۋ پروكۋرورلاردىڭ باستى نازارىنا الىندى. ەكى بورىشكەر 12,9 ملن تەڭگە كولەمىندە اليمەنت تولەمەگەنى ءۇشىن سوتتالدى. ولارعا 1 جىل مەرزىمگە باس بوستاندىعىن شەكتەۋ تۇرىندەگى جازا تاعايىندالدى. باسقا اتا-انالارعا قاتىستى تەرگەۋ ارەكەتى جۇرگىزىلىپ جاتىر. پروكۋراتۋرا اتا-انالىق مىندەتتەرىن ورىنداماۋ تەك اكىمشىلىك ەمەس, قىلمىستىق جاۋاپقا اكەپ سوقتىراتىنىن ەسكەرتەدى», دەپ حابارلادى وبلىستىق پروكۋراتۋرادان.