جەتىسۋ وبلىسىنىڭ سارقان اۋدانىنا قاراستى ەكىاشا اۋىلىنداعى «مالىي باسكان» وزەنىندە ورنالاسقان ۆب گەس-2 گيدروەلەكتر ستانساسىندا سۋ قۇبىرى جارىلدى, دەپ حابارلايدى Egemen.kz.
وقيعانىڭ ۆيدەوسى الەۋمەتتىك جەلىلەردە تاراپ, جەرگىلىكتى تۇرعىندار اراسىندا الاڭداۋشىلىق تۋعىزدى. بەينەجازبادان سۋ قۇبىرىنىڭ قاتتى قىسىممەن جارىلىپ, سۋ اينالاعا جايىلىپ جاتقانىن كورۋگە بولادى.
وقىس وقيعا 12 تامىز كۇنى ساعات 17:00 شاماسىندا ورىن العان.
«سارقان اۋدانى ەكىاشا اۋىلىنداعى «مالىي باسكان» وزەنىندە ورنالاسقان ۆب گەس-2 ستانتسياسىندا سۋ قۇبىرى جارىلدى. ناتيجەسىندە سۋ تەك ستانتسيا اۋماعىندا عانا قالدى, جاقىن ماڭداعى تۇرعىن ۇيلەر مەن ەلدى مەكەندەرگە ەشقانداي زيان كەلگەن جوق. قازىرگى تاڭدا جاعداي تۇراقتى, حالىق پەن تابيعي ورتاعا قاۋىپ جوق», دەپ مالىمدەدى وبلىستىق اكىمدىك.
«Baskan Power» جشس تەحنيكالىق ديرەكتورى دانيار دوساباەۆتىڭ ايتۋىنشا, سۋ گەس عيماراتى ارقىلى سىرتقا اعىپ كەتكەنىمەن, سالدارى جىلدام جويىلعان.
ء«بىز عيمارات ىشىندەگى سۋدى سورىپ شىعاردىق. قازىر قالپىنا كەلتىرۋ جۇمىستارى جۇرگىزىلۋدە. ەلدى مەكەنگە, تۇرعىندارعا جانە شارۋاشىلىقتارعا زيان كەلگەن جوق. سۋ تولىعىمەن وزەن ارناسىنا قايتارىلدى, ەكولوگيالىق قاۋىپ جوق», دەدى ول.
سونىمەن قاتار اكىمدىك اتالعان ستانسادا 90-عا جۋىق ادامنىڭ جۇمىس ىستەيتىنىن جانە ولاردىڭ بارلىعى جەرگىلىكتى تۇرعىندار ەكەنىن اتاپ ءوتتى. قازىرگى تاڭدا نىساندا بارلىق جۇمىستار شتاتتىق رەجيمدە جالعاسىپ جاتىر.