تايلاندتا گەوگرافيا پانىنەن IGeO–2025 حالىقارالىق وليمپياداسى مارەسىنە جەتتى. قازاقستان قۇراماسى 2 التىن, 2 كۇمىس يەلەندى, دەپ جازادى Egemen.kz.
التىن العاندار – قاراعاندى وبلىسىنداعى نزم 12-سىنىپ وقۋشىسى تالعات بايبۋسىنوۆ جانە قوستاناي وبلىسىنداعى نزم 10-سىنىپ وقۋشىسى اندرەي ەنباحتوۆ. كۇمىس جۇلدەگەرلەر – جەتىسۋ وبلىسىنداعى نزم 12-سىنىپ وقۋشىسى بولات اقجول جانە اقتوبە وبلىسىنداعى نزم 12-سىنىپ وقۋشىسى ءاليحان قالماعامبەتوۆ.
كوماندا جەتەكشىلەرى: ق.ساتباەۆ اتىنداعى قازۇتزۋ-دىڭ 2-كۋرس ستۋدەنتى رۋستام ۆالەەۆ جانە رەسپۋبليكالىق-حالىقارالىق وليمپيادالاردىڭ جەڭىمپازى اباي دۇيسەن.
ايتا كەتەلىك, قازاقستان IGeO وليمپياداسىنا 2012 جىلدان بەرى قاتىسىپ كەلەدى, وسى ۋاقىت ارالىعىندا 5 التىن, 4 كۇمىس, 7 قولا مەدالدار جەڭىپ العان.