پەريزات قايراتقا قاتىستى قىلمىستىق ءىس بويىنشا وتكەن سوت وتىرىسىندا جابىرلەنۋشى سادىق ولجاس مالىمدەمە جاساپ, ايىپتالۋشىعا گازا سەكتورىنداعى تۇرعىندارعا كومەك كورسەتۋ ءۇشىن 83 ميلليون تەڭگە بەرگەنىن راستادى, دەپ حابارلايدى Egemen.kz.
جابىرلەنۋشىنىڭ ايتۋىنشا, ول پەريزات قايراتپەن بىرگە ابۋ-دابيگە بارىپ, قارجىلىق ەسەپتى اشىق تۇردە الۋعا ۇمىتتەنگەن. الايدا, ەشقانداي اشىقتىق بولماعان, ەسەپ تە بەرىلمەگەن.
ء«بىزدىڭ ازاماتتىق تالابىمىز بەن پروكۋرورلاردىڭ ۇسىنىستارىن قولداۋلارىڭىزدى سۇرايمىن. بىراق ءبىر عانا ادامعا قاتىستى ەرەكشە پىكىرىم بار — ول عايني الاشباەۆا. وعان شىن جۇرەكتەن جانىم اشيدى. دەنساۋلىعىندا ماسەلەلەر بار. مۇمكىن, ونى ۇيقاماقتا قالدىرۋ ءجون بولار», دەدى سادىق ولجاس سوتتاعى ءجارىسسوز بارىسىندا.
ەستەرىڭىزگە سالا كەتەيىك, پروكۋرور پەريزات قايراتتى 10 جىل باس بوستاندىعىنان ايىرۋدى, ال ونىڭ اناسىنا — 8 جىل جازا تاعايىنداۋدى سۇرادى.