ءماجىلىس وتىرىسىندا دەپۋتات اسحات ايماعامبەتوۆ پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆكە اۆتوماتتى قوڭىراۋلار مەن بايلانىس وپەراتورلارى اراسىنداعى باسەكەگە قاتىستى ساۋال جولدادى, دەپ حابارلايدى Egemen.kz.
دەپۋتات زاڭ جوباسىندا پايدالى باستامالار بار ەكەنىن ايتقانىمەن, ازاماتتاردى مازالايتىن اۆتوقوڭىراۋ ماسەلەسى ءالى شەشىلمەگەنىن سىنعا الدى. ونىڭ سوزىنشە, بۇل ماسەلە كوميتەت وتىرىستارىندا دا كوتەرىلگەن, الايدا مينيسترلىك اۆتوماتتى قوڭىراۋلارعا تىيىم سالۋ تۋرالى نورمانى قولداماعان.
سونداي-اق اسحات ايماعامبەتوۆ بايلانىس وپەراتورلارى شەتەلدىك نومىرلەر ارقىلى جاسالاتىن الاياقتىق شابۋىلدارعا قارسى قانداي تەحنيكالىق شارالار قابىلداپ جاتقانىن سۇرادى.
بۇدان بولەك, دەپۋتات ءموبيلدى وپەراتورلاردىڭ ورتاق ينفراقۇرىلىمدى پايدالانۋ تاجىريبەسىن ەنگىزۋدى ۇسىندى. ونىڭ پىكىرىنشە, ەۋروپا مەن اقش-تاعىداي بايلانىس وپەراتورلارى جەكە-جەكە كابەل تارتپاي, ورتاق جەلىلەردى قولدانسا, بۇل باسەكەنى ارتتىرىپ, تاريفتەردىڭ ارزانداۋىنا اسەر ەتۋى مۇمكىن.
ءوز كەزەگىندە جاسلان ماديەۆ اۆتوماتتى قوڭىراۋلار ماسەلەسى ءالى دە تالقىلاناتىنىن ايتتى. مينيستر قازىرگى تاڭدا نارىقتا ءۇش ءىرى ءموبيلدى وپەراتور جۇمىس ىستەيتىنىن جانە جاڭا ويىنشىلاردىڭ كەلۋى نارىقتىڭ تابىستىلىعىنا بايلانىستى ەكەنىن جەتكىزدى.
ونىڭ ايتۋىنشا, ەگەر بايلانىس نارىعى تارتىمدى ءارى ءتيىمدى بولسا, وندا جاڭا وپەراتورلاردىڭ پايدا بولۋىنا مۇمكىندىك تۋادى.
سونىمەن قاتار ەلدە تەلەفون الاياقتارىنا قارسى جاڭا شەكتەۋلەر ەنگىزۋ جوسپارلانىپ وتىر.
سمارتفونىڭىزدى بوگدە ادامعا بەرۋگە بولمايدى: قازاقستاندا جاڭا تىيىم ەنگىزىلمەك
ايتا كەتەيىك,ء ماجىلىس پەداگوگ مارتەبەسى, ءبىلىم بەرۋ, دەنساۋلىق ساقتاۋ جانە بالا قۇقىقتارىن قورعاۋ ماسەلەلەرىنە قاتىستى زاڭ جوباسىن ماقۇلدادى.