كوكشەتاۋدا ايەلدى كولىكپەن قاعىپ كەتكەن ءىس بويىنشا تەرگەۋ ءبىر اي ىشىندە اياقتالادى دەپ جوسپارلانىپ وتىر. بۇل تۋرالى ىشكى ىستەر ءمينيسترىنىڭ ورىنباسارى سانجار ءادىلوۆ حابارلادى, دەپ جازادى Egemen.kz.
«تەرگەۋ جۇمىستارى جالعاسىپ جاتىر. ءبىز تەرگەۋدى ءبىر ايلىق مەرزىمدە اياقتاۋدى جوسپارلاپ وتىرمىز, اۆتوتەحنيكالىق ساراپتاما الىنعاننان كەيىن ماتەريالدار سوتقا جىبەرىلەدى», دەدى س. ءادىلوۆ.
ەسكە سالايىق, 9 مامىردا كوكشەتاۋدا ايەلدى كولىك قاعىپ كەتتى. اتالعان فاكتى بويىنشا پوليتسيا قىلمىستىق ءىس قوزعادى. ايەل وقيعا ورنىندا جان تاپسىردى.
كوكشەتاۋدا جالعىزباستى انانى قاعىپ ولتىرگەن جۇرگىزۋشى ۇستالدى
كولىكتى باسقارعان ايەلدە جۇرگىزۋشى كۋالىگى بولماعان جانە ول اۆتو مەكتەپتە وقىماعان. كۇدىكتىنى ءۇي قاماعىنا الدى. ونىڭ كۇيەۋى كولىكتى باسقارۋعا بەرگەنى ءۇشىن جاۋاپقا تارتىلادى. بۇل ءۇشىن وعان 5 جىلعا دەيىن باس بوستاندىعىنان ايىرۋ جازاسى قاراستىرىلعان.