اقش مەملەكەتتىك حاتشىسى ماركو رۋبيو قىتايدىڭ وزىنە قارسى سالعان سانكتسيالارىنا قاراماستان, بەيجىڭگە ۇشىپ كەلگەن, دەپ حابارلايدى Egemen.kz.
باق مالىمەتىنشە, قىتاي بيلىگى رۋبيونىڭ ەلگە كىرۋىنە سالىنعان ءوز تىيىمىن اينالىپ ءوتۋ ءۇشىن رەسمي قۇجاتتاردا ونىڭ تەگىنىڭ قىتايشا جازىلۋىن ءسال وزگەرتكەن.
الايدا جەلى قولدانۋشىلارىن رۋبيونىڭ كيىم ۇلگىسى قىزىقتىردى. ول Air Force One بورتىندا سۇر ءتۇستى Nike Tech Fleece سپورتتىق كوستيۋمىمەن كورىندى. بۇل وبراز وقىرماندارعا ۆەنەسۋەلا پرەزيدەنتى نيكولاس مادۋرونىڭ ءستيلىن ەسكە ءتۇسىردى. ونى ءتىپتى بىرنەشە لاقاپ اتى پايدا بولدى:
«مەمدەپارتامەنتتىڭ مادۋروسى»; «Air Force One ديدجەيى»; «Nike diplomacy edition جاڭا مودەلى».ماركو رۋبيو بەيجىڭگە 13 مامىردا كەلدى. بۇل ونىڭ قىتايعا جاساعان العاشقى ساپارى. وسىعان دەيىن ول امەريكاندىق ساياساتتاعى قىتاي بيلىگىن ەڭ قاتاڭ سىنايتىن تۇلعالاردىڭ ءبىرى رەتىندە تانىلعان بولاتىن.
بۇعان دەيىن, 3 قاڭتاردا ترامپ قولعا تۇسكەن مادۋرونىڭ سۇر ءتۇستى Nike Tech Fleece سپورتتىق كوستيۋمىن كيىپ تۇسكەن سۋرەتىن جاريالاعان بولاتىن. وسىدان كەيىن Nike-تىڭ بۇل مودەلىنە سۇرانىس كۇرت ارتتى. Google Trends جۇيەسى «Nike Tech», «grey Nike Tech» جانە «Nike Tech tracksuit» سۇرانىستارى بويىنشا قىزىعۋشىلىقتىڭ كۇرت وسكەنىن تىركەدى. ناتيجەسىندە Nike-تىڭ رەسمي سايتىندا كوستيۋمنىڭ بىرنەشە ولشەمدەرى تولىقتاي ساتىلىپ كەتكەن.