وبلىستىق جولاۋشىلار كولىگى جانە اۆتوموبيل جولدارى باسقارماسى 2025 جىلدىڭ العاشقى جارتى جىلىندا اتقارعان جۇمىستارىن قورىتىندىلادى, دەپ جازادى Egemen.kz.
باسقارما باسشىسىنىڭ ورىنباسارى ەسەت امانباەۆتىڭ ايتۋىنشا بيىل وبلىستىڭ اۆتوجول سالاسىن دامىتۋعا 59,9 ملرد تەڭگە ءبولىندى. اتالمىش قاراجاتقا 156 جوبانى ىسكە اسىرۋ جوسپارلانعان, ياعني 464,1 كم جول جوندەۋدەن ءوتىپ, جاڭادان سالىنادى.
«2025 جىلى وبلىس اۋماعىندا اۆتوجولداردى سالۋ جانە جوندەۋ بويىنشا 156 جوبانى ىسكە اسىرۋ كوزدەلگەن. ونىڭ 36-سى جەرگىلىكتى ماڭىزى بار جولدار, 120 جوبا قالاىشىلىك جانە ەلدىمەكەن ىشىندەگى جولدار. اتالعان جوبالار تولىقتاي ىسكە اسىرىلعاننان كەيىن جەرگىلىكتى ماڭىزى بار جولداردىڭ جاقسى جانە قاناعاتتانارلىق دەڭگەيدەگى ۇلەسى 82%-گە جەتەدى دەپ جوسپارلانۋدا» ,- دەدى ەسەت امانباەۆ.
ايتا كەتەيىك, ايماقتىڭ كولىك ينفراقۇرىلىمىن دامىتۋ ماقساتىندا سوڭعى 3 جىلدا جەرگىلىكتى ماڭىزى بار جولدار مەن كوشە-جول جەلىسىنىڭ 1,2 مىڭ شاقىرىمنان استامى جوندەلدى. بۇگىنگى تاڭدا وبلىستاعى جەرگىلىكتى ماڭىزى بار اۆتوموبيل جولدارىنىڭ جالپى ۇزىندىعى 4412 كم قۇرايدى.