قازاقستاننىڭ قارجى مونيتورينگى اگەنتتىگىنىڭ شىمكەنت قالاسى بويىنشا دەپارتامەنتى «شىمكەنت جاستار تەاترى» مكقك ديرەكتورى مەن وزگە دە لاۋازىمدى تۇلعالارعا قاتىستى 136 ملن تەڭگەدەن استام كولەمدەگى بيۋدجەت قاراجاتىن جىمقىرۋ دەرەگى بويىنشا تەرگەۋدى اياقتاعانىن حابارلادى, دەپ جازادى Egemen.kz.
و باستا مەملەكەتتىك بيۋدجەتتەن كونتسەرت وتكىزۋگە ارنالعان جابدىقتاردى, ياعني كولونكا, سابۆۋفەر, ساحنالىق فەرما, كۇشەيتكىش, ميكروفون سەكىلدى بۇيىمداردى ساتىپ الۋعا 320 ملن تەڭگە بولىنگەن بولاتىن. الايدا كۇدىككە ىلىنگەن تەاتر باسشىلىعى تەندەر تالاپتارىن بۇزا وتىرىپ, لوتتاردى قولدان بولشەكتەگەن. ءسويتىپ 20-دان استام اتاۋ بويىنشا ساتىپ الۋدى ەلەكتروندى دۇكەن ارقىلى جۇرگىزگەن. سوسىن جالعان جەكە كاسىپكەرلەرمەن كەلىسىمشارتتار جاساسىپ, قاراجاتتى قولما-قول اقشاعا اينالدىرعان. جالعان كاسىپكەرلەر ەلەكتروندى ساۋدا الاڭى ارقىلى جابدىقتى ناقتى جەتكىزبەگەن.
كۇدىكتىلەردىڭ ءبىرى قىلمىستىق جولمەن تاپقان اقشاعا اۆتوكولىك پەن پاتەر ساتىپ العان. ونىڭ جالپى قۇنى 48 ملن تەڭگەنى قۇرادى. ارتىنشا م ۇلىكتى جاسىرۋ ماقساتىندا ولاردى سەنىمدى ادامداردىڭ اتىنا راسىمدەگەن.
بۇگىنگى تاڭدا سوتتىڭ سانكتسياسىمەن سىبايلاستىق جولمەن الىنعان بارلىق م ۇلىككە تىيىم سالىنىپ,كۇدىكتىلەر قاماۋعا الىندى.
وسى مەكەمەگە مەملەكەت قازىناسىنان جالپى سوماسى 320 ملن تەڭگە بولىنسە, تەاتردىڭ تىزگىنىن ۇستاعان كۇدىكتىلەر سونىڭ 136 ملن تەڭگەسىن قولدى ەتكەن. الايدا شىمكەنت قالاسىنىڭ اكىمدىگى بۇل قىلمىستىق ءىس جاستار تەاترى قۇرىلماي تۇرىپ, «شىمكەنت قالالىق مادەنيەت ءۇيى» كونتسەرتتىك ۇيىمى كەزىندە ورىن العانىن مالىمدەدى. قازىرگى تاڭدا وسى كونتسەرتتىك ۇيىم «شىمكەنت جاستار تەاترى» دەپ اتالادى.
شىمكەنت