ۇكىمەت وتىرىسىنان سوڭ پرەمەر-مينيستر ولجاس بەكتەنوۆ باستاعان ۆيتسە-پرەمەرلەر توبى ارنايى بريفينگتە جۋرناليستەردىڭ سۇراقتارىنا جاۋاپ بەردى. سونداي سۇراقتاردىڭ ءبىرى – «بانكتەردىڭ ەكونوميكاعا قارجى سالۋى بويىنشا قانداي جۇمىستار اتقارىلىپ جاتىر؟» دەگەن سۇراقتى باق وكىلى سەرىك جۇمانعارينگە قويدى, دەپ حابارلايدى Egemen.kz.
«بىرىنشىدەن جاڭا سالىق كودەكسىنىڭ ىشىندە كوپەراتيۆتىڭ تابىس سالىعىنا ديففەرەنتسياتسيا جاسادىق. ەندى بانكتەر تۇتىنۋشى سەكتورعا نەسيەلەر بەرسە, كتس 25% بولادى. ناقتى سەكتورعا نەسيە بەرسە 20%. بۇل ناقتى سەكتورعا قاراجات سالۋعا ىنتالاندىرادى. ەكىنشى ماسەلە جاڭا سالىق كودەكسىندە بارلىق وبلەگاتسيالارعا 10% سالىق سالىنادى. ال «بايتەرەك» حولدينگى شىعاراتىن وبلەگاتسيالارعا 2031 جىلعا دەيىن سالىقتان بوساتتىق. سەبەبى «بايتەرەك» حولدينگىنىڭ باستى ماقساتى – ناقتى سەكتورعا سالىنادى. قازىرگى ۋاقىتتا شاعىن جانە ورتا بيزنەسكە ارنالعان «ورلەۋ» دەگەن جاڭا باعدارلاما اشىلدى. ونى دامىتۋعا ناقتى سەكتورلارعا, ءوندىرىس سەكتورلارىنا «دامۋ» قورى 300 ملرد سالدى. بانكتەر 450 ملرد سالدى. ستاۆكاسىنىڭ دەڭگەي - 12,6 پايىز. سونىمەن قاتار ەكى كەپىلدىك قورلارى اشىلدى. بارلىعى قازىرگى ۋاقىتتا دامۋ قورىندا ورنالاسقان. بۇگىندە 107,5 ملرد تەڭگەنى قۇرايتىن 784 جوبا قولداۋ تاپتى. ونىڭ ىشىندە 60 ملرد تەڭگەگە كەپىلدىك بەرىلدى. اتالعان باعىتتاعى جۇمىستى جالعاستىرامىز», دەدى ۆيتسە-پرەمەر سەرىك جۇمانعارين.