تەمىرقۇتىلىق حان – التىن وردا حانى (1395–1400). ۇرىس حاننىڭ نەمەرەسى. ءامىر تەمىر 1395 جىلى توقتامىستى تالقانداعاننان كەيىنگى حان. بيلىكتى حاننىڭ اتىنان ەدىگە بي جۇرگىزدى. ساراي, حاجى-تارحان, ت.ب. قالالاردا تەمىرقۇتىلىقتىڭ ەسىمى جازىلعان تەڭگەلەر تابىلعان.
اياققامىر مازارى – التىن وردا داۋىرىندە قىزىل كىرپىشتەن سالىنعان ساۋلەت ونەرى. ۇلىتاۋ اۋدانى جەزدى اۋىلىنان سولتۇستىككە قاراي 9 شاقىرىم قاشىقتىقتا ورنالاسقان. اۆتورى, تاپسىرىس بەرۋشى, قۇرىلۋ تاريحى بەلگىسىز.
كەسەنەنى العاش رەت 1946 جىلى قازاق كسر عىلىم اكادەمياسىنىڭ ورتالىق قازاقستان ارحەولوگيا ەكسپەديتسياسى زەرتتەدى. اكادەميك ءا.ح.مارعۇلاننىڭ پىكىرىنشە, تەمىرقۇتىلىقتىڭ مولاسى بولۋى كەرەك. تەمىرقۇتىلىق – كەزىندە ءامىر تەمىردىڭ قولداۋىمەن التىن وردا بيلىگىنە توقتامىس حانمەن تالاسقان تاريحي تۇلعا.
ساياحاتشى ا.ي.شرەنك پەن ش.ءۋاليحانوۆتىڭ ەل جازبالارىندا بۇل ەسكەرتكىشتى بۇرىن «قامىر حاننىڭ كۇمبەزى» دەپ اتاعان. رەسپۋبليكالىق ماڭىزى بار ەسكەرتكىشتەر تىزىمىنە ەنگىزىلگەن. ەسكەرتكىشكە «قازقايتاجاڭعىرتۋ» رەسپۋبليكالىق مەملەكەتتىك كاسىپورنى 2013–2014 جىلدارى قالپىنا كەلتىرۋ جۇمىسىن جۇرگىزدى.
ۇلىتاۋ وبلىسى