پرەزيدەنت اكىمشىلىگىنىڭ كەلىسىمىنە جانە جامبىل وبلىسى اكىمىنىڭ وكىمىنە سايكەس ايجان ەسماعامبەتوۆا وبلىس اكىمىنىڭ ورىنباسارى (الەۋمەتتىك جۇمىس بويىنشا) بولىپ تاعايىندالدى, دەپ حابارلايدى Egemen.kz.
ايجان سەرىكبايقىزى 1972 جىلى دۇنيەگە كەلگەن. 1997 جىلى قازاق مەملەكەتتىك مەديتسينا ۋنيۆەرسيتەتىن «سانيتاريا, گيگيەنا جانە ەپيدەميولوگيا», 2005 جىلى «قدسجم» قازاقستاندىق مەديتسينا ۋنيۆەرسيتەتىن «قوعامدىق دەنساۋلىق ساقتاۋ» جانە 2008 جىلى Almaty Management University-ءىن «دەنساۋلىق ساقتاۋ مەنەدجمەنتى» ماماندىعى ماماندىقتارى بويىنشا تامامداعان. ەڭبەك جولىن 1990 جىلى الماتى قالاسىندا №7 ەمحاناسىندا فەلدشەر-زەرتحاناشىسى بولىپ باستاعان.
ءار جىلدارى رەسپۋبليكالىق سانيتارلىق ەپيدەميولوگيالىق ستانتسياسىنىڭ ەپيدەميولوگ-دارىگەرى, دەنساۋلىق ساقتاۋ مينيسترلىگى قاراستى سانيتارلىق-ەپيدەميولوگيالىق قاداعالاۋ كوميتەتىندە جەتەكشى مامان, باس مامان, ساراپشى, باسقارما باسشى قىزمەتتەرىن اتقارعان.
اتالعان وبلىس اكىمدىگىنىڭ مالىمەتىنشە ا.ەسماعامبەتوۆا سونىمەن بىرگە مەملەكەتتىك سانيتاريالىق-ەپيدەميولوگيالىق قاداعالاۋ كوميتەتىنىڭ توراعاسى – قر باس مەملەكەتتىك سانيتاريالىق دارىگەرىنىڭ ورىنباسارى, دارىگەرى, قر تۇتىنۋشىلاردىڭ قۇقىقتارىن قورعاۋ اگەنتتىگىنىڭ باس مەملەكەتتىك سانيتاريالىق دارىگەرىنىڭ ورىنباسارى – ەپيدەميولوگيالىق قاداعالاۋ دەپارتامەنتىنىڭ ديرەكتورى, ۇلتتىق ەكونوميكا مينيسترلىگىنە قاراستى تۇتىنۋشىلاردىڭ قۇقىقتارىن قورعاۋ كوميتەتىنىڭ ءبولىم باسشىسى بولىپ ەڭبەك ەتتى.
دەنساۋلىق ساقتاۋ مينيسترلىگىنىڭ ستراتەگيالىق دامۋ جانە قوعامدىق دەنساۋلىق ساقتاۋ, قوعامدىق دەنساۋلىق ساقتاۋ ساياساتى دەپارتامەنتتەرىنىڭ ديرەكتورى, سونداي-اق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى توراعاسىنىڭ ورىنباسارى, سانيتاريالىق-ەپيدەميولوگيالىق باقىلاۋ كوميتەتىنىڭ توراعاسى, دەنساۋلىق ساقتاۋ ۆيتسە-ءمينيسترى, قر باس مەملەكەتتىك سانيتاريالىق دارىگەرى بولدى.
2024 جىلعى شىلدە ايىنان باستاپ سالا مينيسترلىگىنىڭ «قوعامدىق دەنساۋلىق ساقتاۋ ۇلتتىق ورتالىعى» شجق رمك باسقارما توراعاسى لاۋازىمىندا قىزمەت اتقارىپ كەلدى.