يندۋستريالىق ايماققا ينۆەستيتسيا تارتىلدى

اۋدانى 1 مىڭ گەكتارعا جۋىق يندۋستريالىق ايماق ەلورداعا جاقىن ورنالاسقان. بۇل – جاڭا زاۋىتتار مەن ءوندىرىس وشاقتارىن اشۋعا قولايلى بارلىق ينفرا­قۇرىلىممەن قامتاماسىز ەتىل­گەن اۋماق. قازىر مۇندا جالپى كولەمى 1,1 ترلن تەڭگەدەن اسا­تىن ينۆەستيتسياعا يە جەتى جوبا جۇزەگە اسىرىلا باستادى. ين­ۆەس­­تور­لار گەوگرافياسى قىتاي, تۇر­كيا, سينگاپۋر جانە قازاق­ستان ەلدەرىن قامتيدى. جوبا­لار ايا­سىندا 4,5 مىڭنان استام جۇ­مىس ورنى اشىلادى دەپ جوسپارلانىپ وتىر.

سالتاناتتى شاراعا اقمولا وبلىسىنىڭ اكىمى مارات اح­مەتجانوۆ پەن اۋىل شارۋاشى­لىعى ءمينيسترى ايداربەك ساپاروۆ قاتىستى.

وبلىس اكىمى ءوز سوزىندە جاڭا يندۋست­ريالىق ايماق ءوڭىر ەكونو­ميكاسىنىڭ دامۋىنا سەرپىن بەرىپ قانا قويماي, ەلدىڭ يندۋستريالاندىرۋ مەن ينۆەستيتسيا تارتۋ جونىندەگى ۇلتتىق ستراتەگياسىندا ماڭىزدى ءرول اتقاراتىنىن اتاپ ءوتتى.

«مەملەكەت باسشىسىنىڭ تاپسىر­ماسىمەن قۇرىلعان بۇل رەس­پۋبليكالىق يندۋس­تريا­لىق ايماقتا وتاندىق جانە شەتەلدىك جەتەكشى كومپا­نيا­لاردىڭ وندىرىستەرى ورنالا­سادى. وندىرىس­تىك قۋاتتار­دىڭ شوعىرلانۋى اۋىل شارۋاشى­لىعى, قايتا وڭ­دەۋ, لوگيستيكا جانە باسقا دا سالا­لارعا مۋلتي­پلي­كاتيۆتى اسەر ەتىپ, ءوڭىردىڭ دامۋىنا تىڭ سەر­پىن بەرەدى», دەدى م.احمەتجانوۆ.

ءوز كەزەگىندە اۋىل شارۋا­شى­لىعى ءمينيسترى ايداربەك سا­پاروۆ بۇل جوبانىڭ ەلىمىز ءۇشىن ەرەكشە ماڭىزعا يە ەكەنىن ايتتى.

«بۇل – ەلىمىز ءۇشىن اسا ماڭىز­دى جوبا. ونىڭ اياسىندا جاڭا ءوندىرىس وشاقتارى ىسكە قو­سى­لىپ, حالىقتى جۇمىس­پەن قامتۋ مۇمكىندىكتەرى كەڭەيە­دى. مەملەكەت باسشىسى اگروونەر­كاسىپ كەشەنىن دامىتۋعا, ونەر­كاسىپتى وركەن­دەتۋ­گە ايرىقشا نازار اۋدارىپ وتىر. وسى باعىت­تا جەر تەلىمدەرى­مەن قام­تا­ماسىز ەتۋ, ينجەنەر­لىك ينف­را­قۇرىلىم تارتۋ سەكىل­دى قول­داۋ شارالارى جۇيەلى تۇر­دە ىسكە اسىرىلۋدا. تەك بيىل­دىڭ وزىن­­دە رەسپۋبليكا بويىنشا 180-گە جۋىق يندۋستريالىق جوبا جۇ­­زەگە اسىرىلۋدا. سونىڭ ءبىرى – بۇ­گىن ىرگەتاسىنا كاپسۋلا سالىن­عان «AQMOLA» يندۋستريالىق اي­ماعى. ونىڭ ەلورداعا جاقىن ورنالاسۋى – ايقىن ارتىقشى­لىق. بۇل جوبا ەلوردا مەن ەلىمىز­دىڭ دامۋىنا ەلەۋلى ۇلەس قوسادى دەپ سەنەمىن», دەدى مينيستر.  

ايتا كەتۋ كەرەك, ىسكە اسىرىلا باستاعان جوبالاردىڭ ءبىرى – بيدايدى تەرەڭ وڭدەيتىن وندىرىستىك كەشەن. جوبانى جۇزەگە اسىرۋشى – قىتايلىق «Dalian Hesheng Holdings» كومپانياسى. جوبا ءۇش كەزەڭمەن 2025–2028 جىلدار ارالىعىندا جۇزەگە اسىرىلادى. العاشقى كەزەڭدە ناتري گلۋتاماتى, گليۋتەن ۇنتاعى جانە قوسالقى ونىمدەر ءوندىرىسى ىسكە قوسىلادى. قازىرگى تاڭدا ينۆەس­تور بيزنەس-جوسپار ازىرلەپ, قاجەتتى قۇجاتتاردى دايىنداۋ جۇمىستارىن باستادى.

«قازاقستاندا وڭدەۋشى ونەر­كاسىپتىڭ جاڭا باعىتىن قالىپتاس­تىراتىن جوبانى جۇزەگە اسىرۋ – ءبىزدىڭ كومپانيا ءۇشىن ۇلكەن مارتەبە. بۇل – ءوز سالاسىنداعى ەڭ وزىق جوبالاردىڭ ءبىرى. ءبىز بۇل جوباعا 900 ملرد تەڭگە ينۆەستيتسيا قۇيىپ وتىرمىز. جاقىن ارادا كاسىپورىندا مىڭ­نان استام جۇمىس ورنى اشىلادى. ءونىمنىڭ باعاسى مەن ساپاسىن ارتتىرۋ ءۇشىن ءبىز بيوفەرمەنتاتسيا مەن بيوينجەنەريا سالالارىنداعى سوڭعى تەحنولوگيالاردى قولدانامىز. ءونىم قىتاي, تاياۋ شىعىس, وڭتۇستىك-شىعىس ازيا جانە ەۋروپا نارىقتارىندا ۇلكەن سۇرانىسقا يە بولادى», دەدى «Dalian Hesheng Holdings» كومپانياسى فيليالىنىڭ ديرەكتورى  ياو سۋن.

جوسپارلانعان جوبالار قاتارىندا – كلينكەر ءونىمىن شىعاراتىن زاۋىتتىڭ قۇرىلىسى دا بار. بۇل جوبانى وتاندىق ينۆەستور – «Terracottas» Astana Ceramic جشس 2027 جىل­دىڭ سوڭىنا دەيىن جۇزەگە اسىرا­دى. ال اگروحيميالىق تىڭايت­قىش­تار مەن پەستيتسيدتەر شىعارا­تىن اگروحيميالىق كەشەن سالۋدى تۇركيالىق «YDA Group» كومپانياسى جوسپارلاپ وتىر. سۇيىتىلعان تابيعي گاز وندىرەتىن زاۋىتتى «قازاق مۇناي جانە گاز ينستيتۋتى» اق سالاتىن بولادى. جاڭا تەحنولوگيا گازدى 600 ەسەگە دەيىن سىعۋعا مۇمكىندىك بەرەدى.

سونىمەن قاتار «Atasu Group» كومپانياسىنىڭ كولىك-لوگيس­تي­كالىق ورتالىعى, «Remsintez RK» جشس-ءنىڭ اۋىل شارۋاشىلىعى تەحنيكالارىن شىعاراتىن زاۋىتى دا بوي كوتەرەدى.

قىتايلىق «Eagle Architecture Technology Co., Ltd.» كومپانيا­سى بيتۋمدىق شاتىر گيدرووق­شاۋ­لاعىش ماتەريالدارى, اۆتوكلاۆتى گازوبەتون بلوكتەرى, پوليۆينيلحلوريد, اليۋميني فاسادتارى, ۆيتراجدار, تەرەزە جانە ەسىك قۇرىلعىلارىن شىعاراتىن زاۋىت سالۋدى جوسپارلاپ وتىر.

ايتا كەتەيىك, اقمولا وبلى­سىندا كوكشەتاۋ قالاسى مەن تسە­­لين­و­گراد اۋدانىندا دا وڭىر­لىك ين­دۋستريالىق ايماقتار قۇرىلعان.