سولتۇستىك قازاقستان وبلىسىنداعى ەسىل اۋدانىندا ورنالاسقان ەڭبەك اۋىلى ايماقتا «ىشىمدىكتەن باس تارتقان» 18 اۋىل بولىپ جاريالاندى, دەپ حابارلايدى Egemen.kz.
بۇل پرەزيدەنتتىڭ «زاڭ جانە ءتارتىپ» قاعيداتىن قولداۋدىڭ كورىنىسى. اۋىلدىقتار باسقا ەلدىمەكەندەردى دە وزدەرىنە قوسىلۋعا شاقىرىپ, چەللەندج باستادى. ولاردىڭ ۇرانى: «تازا سانا-جارقىن بولاشاق!» دەپ اتالدى.
بۇل باستاما ەسىل اۋدانىندا بۇرىننان ءجۇرىپ جاتقان. ماسەلەن, كورشىلەس قاراعاي اۋىلى دا الكوگولدى ىشىمدىكتەردەن ءۇش جىل بۇرىن باس تارتقان. اۋداننىڭ پروكۋرورى كەنجەبەك قوجاحمەتوۆ الكوگولدەن باس تارتقاننان بەرى بۇل اۋىلدا بىردە-ءبىر قىلمىس تىركەلمەگەنىن ايتتى.
ەڭبەك اۋىلىندا وسىنداعى «باي ەڭبەك» جشس باستاۋىش مەكتەپ سالۋدى دا قولعا الىپتى. سول ءۇشىن كاسىپورىننىڭ باسشىسى قايىربەك قوجاسوۆ 350 ملن تەڭگە بولگەنىن ايتتى. وسى اۋىلعا جۇمىس ساپارىمەن كەلگەن وبلىس اكىمى عاۋەز نۇرمۇحامەتوۆ لايىقتى باستامالاردى قولداپ, تۇرعىندارمەن كەزدەسكەندە ولاردىڭ ءساتتى ىسكە اسىرىلۋىن تىلەيتىنىن ايتتى.
سولتۇستىك قازاقستان وبلىسى