الماتىدا بۇرىنعى سۋديا سۆەتلانا جولمانوۆا اسا ءىرى مولشەردەگى الاياقتىق جاساعانى ءۇشىن 10 جىلعا باس بوستاندىعىنان ايىرىلدى, دەپ حابارلايدى Egemen.kz.
بۇرىنعى سۋديا سۆەتلانا جولمانوۆا قىلمىستىق كودەكستىڭ 190-بابى 4-بولىگىنىڭ 2-تارماعى — اسا ءىرى كولەمدەگى الاياقتىق بابى بويىنشا كىنالى دەپ تانىلىپ, 10 جىلعا باس بوستاندىعىنان ايىرىلدى.
سوت دەرەگىنە سايكەس, جولمانوۆا 2021–2024 جىلدار ارالىعىندا ازاماتتاردى جىلجىمايتىن م ۇلىك ساتىپ الۋعا جانە تەندەرلىك جوبالارعا قاتىسۋعا كومەكتەسەمىن دەگەن جەلەۋمەن الاياقتىق ارەكەتتەر جاساعان. ول سەنىمگە كىرىپ, دوستارى, كورشىلەرى, تانىستارى جانە ارىپتەستەرىنەن ءىرى كولەمدە اقشا العان.
سوت ۇكىمىنە سايكەس, جولمانوۆا جازاسىن قاۋىپسىزدىگى ورتاشا تۇزەتۋ مەكەمەسىندە وتەيدى. قاماۋدا ۇستاۋ بۇلتارتپاۋ شاراسى وزگەرىسسىز قالدىرىلدى.
بۇل ءىس بويىنشا ەكىنشى فيگۋرانت — دانيار كۇشاليەۆ تە كىنالى دەپ تانىلىپ, قىلمىستىق كودەكستىڭ 190-بابى 3-بولىگىنىڭ 1-تارماعى بويىنشا 3 جىلعا باس بوستاندىعىنان ايىرىلدى.
تەرگەۋ بارىسىندا الاياقتىققا قاتىستى 48 ەپيزود انىقتالىپ, ءبىر ءىس اياسىندا بىرىكتىرىلگەنى حابارلاندى.