اقتوبە وبلىسىنداعى جەدەل جاردەم مەكەمەسى جۇمىسشىلارى بالالارى اراسىندا «مەنىڭ اتا-انام ادام جانىنىڭ قورعاۋشىسى» جانە «مەنىڭ اتا-انام جەدەل جاردەم قىزمەتكەرى» تاقىرىپتارىندا سۋرەت سالۋدان جانە بەينەروليك تۇسىرۋدەن سايىس ءوتتى.
سايىسقا قاتىسقانداردى ىرىكتەي كەلە, ون التى جەدەل جاردەم بەكەتىنىڭ فەلدشەر, جۇرگىزۋشى, ديسپەتچەر, ساناۆياتسيا قىزمەتكەرى بالالارىنا سالالىق كاسىپوداق ۇيىمى سپورتتىق ۆەلوسيپەدتەردى سىيعا تارتتى, دەپ حابارلايدى egemen.kz.
اقتوبە وبلىستىق جەدەل جاردەم بەكەتىنىڭ اۋلاسىندا 200-گە جۋىق جەدەل جاردەم قىزمەتكەرلەرى بالالارى ارنايى تەاترلاندىرىلعان قويىلىم مەن انيماتورلىق ويىنداردى تاماشالادى. مەكەمە اۋلاسىندا بالالارعا ارنايى شاتىر تىگىلىپ, داستارحان جايىلىپ, تاتتىلەر مەن بالمۇزداق, ءتۇرلى ويىنشىقتار تاراتىلدى.
مەديتسينا مەكەمەسى ەڭبەككەرلەرىنىڭ بالالارىن وبلىستىق جەدەل جاردەم بەكەتىنىڭ باسشىسى نۇرلان مەدەۋباەۆ قۇتتىقتادى.
اقتوبە وبلىسى.