2025 جىلدىڭ 1 مامىرىنداعى جاعداي بويىنشا قازاقستان حالقىنىڭ سانى 20 353 265 ادامدى قۇراعان. جىل باسىنان بەرى ەل حالقى 69,8 مىڭ ادامعا ارتقان. ونىڭ 63,4 مىڭى – تابيعي ءوسىم, ال 6,3 مىڭى – كوشى-قون ەسەبىنەن تىركەلگەن, دەپ حابارلايدى Egemen.kz.
ۇلتتىق ستاتيستيكا بيۋروسىنىڭ حابارلاۋىنشا, ەل بويىنشا حالىق سانىنىڭ ەڭ جوعارى ءوسىمى استانا قالاسىندا بايقالعان.
«جىل باسىنان بەرى ەلوردا تۇرعىندارىنىڭ قاتارى 29,7 مىڭ ادامعا كوبەيگەن, ونىڭ 78,3 پايىزى – كوشى-قون ەسەبىنەن. بۇل استانانىڭ ەڭبەك نارىعى مەن ينفراقۇرىلىمى ميگرانتتار ءۇشىن تارتىمدى ەكەنىن كورسەتەدى», دەلىنگەن حابارلامادا.
سونداي-اق كوشى-قون بويىنشا وڭ سالدو الماتى جانە ماڭعىستاۋ وبلىستارىندا, سونداي-اق رەسپۋبليكالىق ماڭىزى بار الماتى, شىمكەنت جانە استانا قالالارىندا تىركەلگەن.