ۇستەل تەننيسىنەن وزبەكستاننىڭ باس شاھارى تاشكەنتتە WTT Youth Contender Tashkent 2025 حالىقارالىق ءتۋرنيرى اياقتالدى, دەپ حابارلايدى Egemen.kz.
جەڭىستىڭ ءبىرىنشى ورىن تۇعىرىنان الان قۇرمانعاليەۆ (19 جاسقا دەيىن), ابدۋللا ماماي مەن نويلا حانيازوۆا (ارالاس جۇپتار, 19 جاسقا دەيىن) كورىنسە, 11 جاسقا دەيىنگىلەر اراسىندا ادەليا الجانوۆا التىننان القا تاقتى.
ال كۇمىس جۇلدەگە 11 جاسقا دەيىنگىلەر سايىسىندا نازەركە بولاتبەك يە بولدى.
سونىمەن قوسا, قولا جۇلدەلەردى داريا گاموۆا (19 جاسقا دەيىن), الەكسەي ماركين (15 جاسقا دەيىن) جانە ءجانيا بەكمۇحامبەتوۆا (13 جاسقا دەيىن) جەڭىپ الدى.
وسىلايشا قازاقستان قۇراماسى ۇستەل تەننيسىنەن 3 التىن, 1 كۇمىس, 3 قولا بارلىعى 7 مەدال ەنشىلەدى.
ەسكە سالايىق, بۇعان دەيىن ۇستەل تەننيسىنەن قازاقستان قۇراماسى وكىلى ءجانيا بەكمۇحامبەتوۆا يسپانيانىڭ پلادجا-دە-ارو قالاسىندا وتكەن WTT Youth Contender تۋرنيرىندە توپ جارعان بولاتىن.