قارجى ساراپشىسى الماس چۋكين قازىرگى تۇراقسىز زاماندا اقشانى ساقتاۋدىڭ ەڭ ءتيىمدى جولىن ايتتى. ونىڭ سوزىنشە, بولجاپ بولمايتىن ۋاقىتتا ەڭ باستىسى – تاۋەكەلدى دۇرىس باسقارۋ.
ساراپشى سوزىنشە, ءبىرىنشى ەرەجە – اقشانى ەكىگە ءبولۋ. كۇندەلىكتى ءومىرىمىز تەڭگەمەن بايلانىستى. دەمەك, تابىستىڭ جارتىسى تەڭگەدە بولۋى كەرەك. قالعان جارتىسىن دوللارعا ساقتاعان دۇرىس. بۇل قاراپايىم ءارى سەنىمدى ءادىس. ايىرباس باعامىنا قاراپ, جۇيكە توزدىرمايسىز. ⠀
– ەۋرو, فۋنت, ستەرلينگ, فرانك ⠀دەگەندەي ەش قاجەتى جوق «ۆاليۋتا قورىجىندارىن» جيناۋدىڭ قاجەتى جوق. ولاردان ۇتۋ قيىن. ۆاليۋتاعا سەكىرىپ ءمىنۋ قارجىنىڭ تۇراقتى ءتاسىلى ەمەس. ەكىنشى ەرەجە – دوللار السىرەيدى دەگەنگە سەنە بەرمەڭىز. اقش ەكونوميكاسى السىرەگەننىڭ وزىندە, الەمدە دوللار كوبەيمەيدى. كەرىسىنشە, دوللار ازايادى. ياعني دوللار دا تاۋار. قولدا از بولسا, قۇنى ارتادى. سوندىقتان دوللار ءالى ءبىراز ۋاقىت مىزعىماي تۇرادى.ءۇشىنشى ەرەجە ۇزاق داعدارىسقا دايىن بولىڭىز. قىسقا مەرزىمدى قيىندىقتارعا بەيىمدەلۋ وڭاي. بىراق الداعى 2-3 جىلدىق داعدارىس بولسا, سوعان قازىردەن دايىندالۋ كەرەك, – دەپ ءتۇسىندىردى ا. چۋكين.
الماس چۇكين بۇل جاعدايدى ومىرمەن بايلانىستىرىپ تۇسىندىرەدى. ءبىر كۇنى اكەڭىز ۇيگە كەلىپ «مەن ەندى ديرەكتور ەمەسپىن, باس ينجەنەر بولدىم. جالاقىم ەكى ەسە ازايدى» دەسە نە ىستەيسىز؟ ەگەر بۇرىنعىداي ءومىر سۇرگىڭىز كەلسە, جيناقتى جۇمسايسىز. ال ەگەر جاڭا شىندىقتى قابىلداي الساڭىز, بەيىمدەلەسىز. ەكەۋىنىڭ ايىرماسى بولاشاقتا قانداي شەشىم قابىلدايتىنىڭىزدا.