پرەزيدەنتكە ۆەدومستۆونىڭ جىل باسىنان بەرى اتقارعان جۇمىسىنىڭ ناتيجەسى مەن الداعى كەزەڭگە ارنالعان مىندەتتەرى جونىندە ەسەپ بەرىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆتىڭ ايتۋىنشا, ۇقك ماتەريالدارى نەگىزىندە 43 ادام لاڭكەستىك پەن ءدىني ەكسترەميزم بابى بويىنشا سوتتالعان جانە 34 ازامات تەرگەلىپ جاتىر. تەرروريزم مەن ەكسترەميزمگە قاتىسى بار 212 شەتەلدىكتىڭ قازاقستانعا كىرۋىنە جول بەرىلمەدى. راديكالدى ۇيىمدارعا مۇشە 1498 شەتەلدىك ادامنىڭ ەلىمىزگە كەلۋىنە شەكتەۋ قويىلدى. تەرروريستىك جانە ەكسترەميستىك قىلمىستار جاساعانى ءۇشىن ىزدەۋدە جۇرگەن 12 شەتەلدىك ازامات ۇستالدى.
قاسىم-جومارت توقاەۆقا تەرروريزمگە قارسى ورتالىقتىڭ كەزەكتى وتىرىسى وتكىزىلگەنى جونىندە مالىمەت بەرىلدى. ەكسترەميزم مەن تەرروريزمگە قارسى ءىس-قيمىلدىڭ مەملەكەتتىك جۇيەسىن دامىتۋعا ارنالعان كەشەندى جوسپاردى جۇزەگە اسىرۋ بارىسى قارالدى. قازاقستان ارقىلى لاڭكەستەردى الىپ ءوتۋ, لاڭكەستىك ارەكەتكە قاجەتتى قارجىنى اۋدارۋ فاكتىلەرىن ەسكەرە وتىرىپ, تەرروريزم قاۋپىن تومەندەتۋ بويىنشا قوسىمشا شارالار ازىرلەندى.
مەملەكەت باسشىسىنا ىشكى ىستەر مينيسترلىگىمەن بىرلەسىپ 13 قىلمىستىق توپتىڭ قىزمەتى توقتاتىلعانى, ولاردىڭ 142 مۇشەسى ۇستالعانى جانە 40 ازاماتتىڭ تۇتقىندالعانى تۋرالى باياندالدى. زاڭسىز اينالىمدا جۇرگەن 282 اتىس قارۋى, 48 گراناتا مەن 4586 وق-ءدارى تاركىلەنگەن.
ەسىرتكى وندىرەتىن 12 زەرتحانا, سونداي-اق 13 حالىقارالىق جانە 12 وڭىرلىك تاسىمال ارناسى جويىلعان. زاڭسىز اينالىمنان 3,2 توننا ەسىرتكى مەن پسيحوتروپتى زاتتار, 7,5 توننا پرەكۋرسورلار الىندى.
سىبايلاس جەمقورلىق پەن قۇقىققا قايشى باسقا دا ارەكەت جاساعان مەملەكەتتىك جانە قۇقىق قورعاۋ ورگاندارىندا جۇمىس ىستەيتىن 15 لاۋازىمدى تۇلعا قۇرىقتالدى. ەكونوميكالىق قاۋىپسىزدىكتى قامتاماسىز ەتۋ اياسىندا 1,6 تريلليوننان اسا تەڭگە كولەمىندە مەملەكەتكە كەلتىرىلەتىن زالالعا توسقاۋىل قويىلىپ, ونىڭ 220 ميلليارد تەڭگەسى قازىناعا قايتارىلدى.
مەملەكەتتىك شەكارانى بۇزعان 16 مىڭنان استام ادام ۇستالدى. 3025 تۇلعا ەلدەن شىعارىلدى. قارۋ-جاراق پەن وق-ءدارى, ەسىرتكى جانە باسقا دا تىيىم سالىنعان زاتتاردى الىپ وتپەك بولعان 600-دەن اسا فاكتى اشكەرەلەندى. شەكارا ارقىلى 11 ميلليارد تەڭگە مەن قۇنى 16,6 ميلليارد تەڭگە بولاتىن تاۋارلاردى زاڭسىز الىپ وتۋگە جول بەرىلمەدى.
سونىمەن قاتار مەملەكەتتىك ورگانداردىڭ اقپاراتتىق جۇيەسىنە جاسالعان 796 ميلليون كيبەرشابۋىل اشكەرەلەنگەن.
كەزدەسۋ سوڭىندا پرەزيدەنت ۇلتتىق قاۋىپسىزدىك ورگاندارى قىزمەتىنىڭ باعىتتارى بويىنشا بىرقاتار تاپسىرما بەردى.