ساۋدا جانە ينتەگراتسيا مينيسترلىگى الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ جانە ساۋدا ۇستەمەلەرىنىڭ نەگىزسىز وسۋىنە جول بەرمەۋ ماقساتىندا مەملەكەتتىك باقىلاۋدى جۇزەگە اسىرۋ جانە وڭىرلىك كوميسسيالارمەن ءوزارا ءىس-قيمىل جاساۋ تۇرعىسىندا جۇيەلى جۇمىس جۇرگىزىپ جاتىر, دەپ حابارلايدى Egemen.kz.
جىل باسىنان مينيسترلىكتىڭ اۋماقتىق دەپارتامەنتتەرى 1585 اكىمشىلىك قاۋلى شىعارعان, ونىڭ 396-سى جالپى سوماسى 24 ملن تەڭگە ايىپپۇل, 1189-ى ەسكەرتۋ.
قر-نىڭ اكىمشىلىك قۇقىق بۇزۋشىلىق تۋرالى كودەكسىنىڭ 204-4-بابىنىڭ تالاپتارىن ىسكە اسىرۋ شەڭبەرىندە (امات-قا 15%-دان استام ساۋدا ۇستەمەسىنىڭ مولشەرىن اسىرعانى ءۇشىن) 1419 قاۋلى شىعارىلدى, ونىڭ ىشىندە 18,2 ملن تەڭگە سوماسىنا 239 ايىپپۇل سالىنىپ, 1180 ەسكەرتۋ جاسالدى.
ماسەلەن, كارتوپقا ساۋدا ۇستەمەسىن اسىرعانى ءۇشىن 505 قاۋلى شىعارىلعان, ونىڭ 41-ىنە ايىپپۇل سالىنىپ, سوماسى 2,6 ملن تەڭگەدەن اسقان. ال 464-ىنە ەسكەرتۋ جاسالعان.
اتالعان مينيسترلىكتىڭ ساۋدا كوميتەتىنىڭ مالىمەتىنشە بۇدان باسقا, دەلدالدىق سحەمالاردى تەرگەۋ جونىندەگى وڭىرلىك كوميسسيالاردىڭ قىزمەتى شەڭبەرىندە ءامات تاۋارلارىن جەتكىزۋ تىزبەكتەرى بويىنشا جىل باسىنان بەرى 303 وتىرىس ءوتىپ, قورىتىندىسى بويىنشا ءونىمسىز دەلدالداردىڭ قاتىسۋىنىڭ 1164 جاعدايى جانە ساۋدا ۇستەمەلەرىنىڭ اسىپ كەتۋ فاكتىلەرى انىقتالعان. وسى جۇمىستىڭ ناتيجەسىندە 1079 اكىمشىلىك قاۋلى شىعارىلدى, ال 85 ءونىمسىز دەلدال جەتكىزۋ تىزبەگىنەن شىعارىلعان.