چەرنوگوريانىڭ پودگوريتسا قالاسىندا پارا ۇستەل تەننيسىنەن World Para Challenger Podgorica 2025 الەمدىك سەرياسى ءوتتى, دەپ جازادى Egemen.kz.
ارالاس جۇپتىق سايىستا الەكساندرا ستەپانوۆا مەن ەرلان كازيەۆ جانە التىناي ەرجانقىزى/تالعات ەرەكەەۆ جۇبى قولا جۇلدەگە قول جەتكىزدى. ال, ايەلدەر اراسىندا جۇپتىق سانات بويىنشا ساۋلە ايدارحانوۆا مەن الەكساندرا ستەپانوۆا ءۇشىنشى ورىن الدى. وسىلايشا قازاق پارا سپورتشىلارى بايراقتى باسەكەدە 3 قولا مەدال ەنشىلەدى.
سالا مينيسترلىگىنىڭ مالىمەتىنشە ءدۇبىرلى دودا 29 ساۋىردە باستالىپ, 3 مامىردا اياقتالعان, وعان 28 ەلدەن 140-تان استام سپورتشى قاتىسقان.