بۇگىن جالپى ءبىلىم بەرەتىن پاندەر بويىنشا 7-8 سىنىپ وقۋشىلارىنا ارنالعان رەسپۋبليكالىق وليمپيادانىڭ III وبلىستىق كەزەڭى باستالدى. بۇل تۋرالى وقۋ-اعارتۋ مينيسترلىگى حابارلادى, دەپ جازادى Egemen.kz.
وليمپيادادا اۋداندىق جانە قالالىق كەزەڭدەردەن ىرىكتەلگەن 10 758 وقۋشى جۇلدەگە تالاسادى.
بۇگىن ءبىلىم بايگەسى جاراتىلىستانۋ-ماتەماتيكالىق باعىتتاعى پاندەر بويىنشا ءوتىپ جاتىر. ال 30 ءساۋىر كۇنى بالالار قوعامدىق-گۋمانيتارلىق باعىتتاعى پاندەر نەگىزىندە ءبىلىمىن سىنايدى. وسى كەزەڭ ۇزدىكتەرى 18-21 مامىر ارالىعىندا استانا قالاسىندا وتەتىن رەسپۋبيكالىق وليمپياداعا جولداما الادى.