قاسىم-جومارت توقاەۆ قازاقستان حالقى اسسامبلەياسى توراعاسىنىڭ جاڭادان تاعايىندالعان ورىنباسارلارى دميتري وستانكوۆيچ پەن راسۋل احمەتوۆتى قابىلداپ, قىزمەتتەرىنە تابىس تىلەدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت قوعامدىق كەلىسىم مەن جالپىۇلتتىق بىرلىكتى قامتاماسىز ەتۋگە باعىتتالعان مەملەكەتتىك ساياساتتى جۇزەگە اسىرۋ ىسىندە قحا ەرەكشە ءرول اتقاراتىنىن اتاپ ءوتتى.
كەزدەسۋ بارىسىندا پرەزيدەنتكە اسسامبلەيانىڭ الداعى XXXIV سەسسياسىنا دايىندىق بارىسى جانە اتالعان ينستيتۋتتىڭ 30 جىلدىعى اياسىندا وتكىزىلەتىن ءىس-شارالار تۋرالى اقپارات بەرىلدى.
مەملەكەت باسشىسى مەرەيتويلىق ءىس-شارالاردى ۇيىمداستىرۋعا اسسامبلەيانىڭ بارلىق ەتنومادەني بىرلەستىكتەرى مەن قوعامدىق قۇرىلىمدارىن كەڭىنەن تارتۋ ماڭىزدى ەكەنىنە نازار اۋداردى.
كەزدەسۋ سوڭىندا پرەزيدەنت ەتنوسارالىق قاتىناستاردى ودان ءارى جەتىلدىرۋ بويىنشا بىرقاتار ناقتى تاپسىرما بەردى.