بيىل الماتىدا الەۋمەتتىك مەديتسينالىق ساقتاندىرۋ قورى ەسەبىنەن قالاداعى ەرلى-زايىپتىلار تولىق پرەگراۆيدارلى دايىندىقتان تەگىن وتەدى. بۇل ماقساتقا 673 ملن تەڭگە ءبولىنىپ وتىر, دەپ حابارلايدى Egemen.kz.
بالا كوتەرگىسى كەلەتىن الماتىلىق وتباسىلار كوپتەگەن مەديتسينالىق قىزمەتتەردى تەگىن الادى. نەگىزگى شارت - ساقتاندىرىلعان جارناسى ۋاقىتىلى اۋدارىلۋى قاجەت. جارنا تۇراقتى اۋدارىلماعان جاعدايدا مەديتسينالىق قىزمەتتەردىڭ ءبىراز بولىگى قولجەتىمسىز بولىپ قالادى.
پرەگراۆيدارلى كەزەڭدە وتباسىلىق جۇپتار جۇكتىلىككە دەيىن جان-جاقتى تەكسەرۋدەن وتەدى. ياعني, بۇل كەزەڭدە ومىرگە دەنى ساۋ بالا اكەلۋ ءۇشىن زاماناۋي مەديتسينا مۇمكىندىكتەرى قولجەتىمدى بولماق. بولاشاق اتا-انالار بۇل كەزەڭدە ءتۇرلى دياگنوستيكالاۋدان وتەدى.