اۋىزسۋمەن قامتاماسىز ەتۋگە قارجى ءبولىندى

تۇركىستان وبلىسى سارىاعاش اۋدانىنداعى ماگيسترالدى سۋ قۇبىرىن رەكونسترۋكتسيالاۋ جۇمىس­تارىن اياقتاۋ ءۇشىن ارناۋلى مەم­لەكەتتىك قوردان 2,5 ملرد تەڭگەدەن استام قارجى ءبولىندى. جوبا 260 مىڭنان استام تۇرعىنى بار 66 اۋىلدى سۋمەن قامتاماسىز ەتۋگە باعىتتالعان.

جوبانىڭ جالپى قۇنى شامامەن 6,5 ملرد تەڭگەنى قۇرايدى. وندا 34,3 شاقىرىم جەلى قۇرىلىسى قاراستىرىلعان, ونىڭ 20,8 شاقىرىمى بۇرىن بولىنگەن قاراجات اياسىندا توسەلگەن.

قازىرگى ۋاقىتتا ەلىمىزدە سۋمەن جابدىقتاۋ قىزمەتتەرىنە قولجەتىمدىلىك قالالىق جەرلەردە 99,4%-دى, اۋىلدىق ەلدى مەكەندەردە 97,8%-دى قۇرايدى. تۇركىستان وبلىسى بويىنشا قالا – 100%, اۋىلدار 98,1% اۋىزسۋمەن قامتىلعان.

قازىرگى تاڭدا ارناۋلى مەملەكەتتىك قوردان ءبىلىم بەرۋ, دەنساۋلىق ساقتاۋ, سپورت, الەۋمەتتىك قامسىزداندىرۋ سياقتى سالالارداعى جوبالاردى جۇزەگە اسىرۋ, سونداي-اق ينجەنەرلىك جەلىلەر مەن سۋ قۇرىلىستارىن جاڭارتۋ ءۇشىن قاراجات ءبولىندى.