استانا قالالىق سوتى ماساڭ كۇيىندە «FlyArystan» اق-نىڭ استانا – وسكەمەن باعىتىنداعى اۋە كەمەسى بورتىندا بۇزاقىلىق جاساعان ايىپتالۋشىنىڭ ءىسىن قايتا قارادى, دەپ جازادى Egemen.kz.
ت.ەسىمدى ايىپتالۋشى «FlyArystan» اق-نىڭ استانا – وسكەمەن باعىتىنداعى اۋە كەمەسى بورتىندا بۇزاقىلىق جاساپ, اۋە كەمەسىنىڭ بورتسەرىگىن ۇرىپ-سوعىپ, جولاۋشىنىڭ ەسكەرتۋىن ەلەمەي وعان دا جۇدىرىق جۇمساعان. تەرگەۋ بارىسىندا ەكى جابىرلەنۋشى دە دەنە جاراقاتىن العانى انىقتالدى.
جولاۋشى رەيستەن قالدىرىلعاندا بۇزاقىلىق نيەتپەن تەرروريزم اكتىسى تۋرالى كورىنەۋ جالعان حابارلاعان. استانا قالاسىنىڭ قىلمىستىق ىستەر جونىندەگى اۋدانارالىق سوتى ونى 3 جىلعا باس بوستاندىعىنان ايىرعان بولاتىن. ايىپتالۋشىنىڭ ادۆوكاتى جازانى باس بوستاندىعىن شەكتەۋ تۇرىنە اۋىستىرۋدى سۇراعان. قىلمىستىق ىستەر جونىندەگى اپەللياتسيالىق القا سوتتالعانعا قاتىستى ۇكىمدى وزگەرىسسىز قالدىردى.
«سوت ۇكىمىمەن ت. تەرروريزم اكتىسى تۋرالى كورىنەۋ جالعان حابارلاعانى (قك 273-بابى) جانە اۋە كەمەسىنىڭ بورتىندا بۇزاقىلىق جاساعانى ءۇشىن قك 293-بابى 2-بولىگىنىڭ 4 تارماعى بويىنشا كىنالى دەپ تانىلدى. سوتتالۋشىنىڭ كىناسى جابىرلەنۋشىلەردىڭ ايعاقتارى, ساراپشىلاردىڭ قورىتىندىلارى جانە قىلمىستىق ءىستىڭ باسقا دا ماتەريالدارىمەن دالەلدەنگەن», دەلىنگەن استانا قالالىق سوتى ءباسپاسوز قىزمەتىنىڭ حابارلاماسىندا.
سوت اكتىسى زاڭدى كۇشىنە ەندى.