ءاز-ناۋرىز مەرەكەسى مەن ۇلى ابايدىڭ بيىلعى 180 جىلدىق مەرەيتويىنىڭ قۇرمەتىنە سەمەيلىك قىلقالام شەبەرىنىڭ كورمەسى اشىلدى.
ايگىلى جازۋشى ف.دوستوەۆسكيدىڭ ادەبي-مەموريالدىق مۋزەي-ۇيىندە سۋرەتشى الەكساندر گورەلوۆتىڭ «اباي الەمى» اتتى جەكە كورمەسى اشىلدى. كورمەنىڭ بۇلاي اتالۋى كەزدەيسوق ەمەس. اۆتوردىڭ كارتينالارىندا كورنەكتى اقىننىڭ ومىرىنە تىكەلەي بايلانىستى جەرلەر كورىنىس بەرگەن. وندا قۇنانباي مەشىتى, سەمەي قالاسىنداعى اقىننىڭ بارعان كىتاپحانا عيماراتى, مەموريال كەسەنەلەر, ءحVىىى عاسىردا سالىنعان يامىشەۆ قاقپاسى جانە الاش ارىستارى اتىلعان ارال (تۇيەمويناق) سەكىلدى تاريحي ورىندار سۋرەتتەلگەن. مۇنى سەمەي قالاسىنىڭ تاريحي ارحيتەكتۋرالىق ءانسامبلى دەپ اتاۋعا دا بولادى. سونىمەن قاتار تابيعات پەيزاجدارى مەرەكەلىك كوڭىل كۇيگە جىلى اسەر بەرىپ تۇرعانى بايقالادى.
«اسكەري قىزمەتتەن كەيىن قىرعىز ۇلتتىق اكادەميالىق وپەرا جانە بالەت تەاترىندا جۇمىس ىستەدىم. وقۋدى اياقتاعاننان كەيىن ءتۇرلى تەاتردا ىستەپ, كوپ ۇزاماي الماتى تەاتر-كوركەمسۋرەت ينستيتۋتىندا ستسەنوگرافيادان ساباق بەرۋگە شاقىرۋ الدىم. ال 1981 جىلدان باستاپ, زەينەتكەرلىككە شىققانعا دەيىن سەمەي قالاسىنداعى دوستوەۆسكي اتىنداعى تەاتردىڭ باس سۋرەتشىسى بولدىم. وسى ۋاقىت ارالىعىندا سەمەي قالاسىنىڭ تاريحي جەرلەرىن تاسپالاۋعا تىرىستىم», دەيدى سۋرەتشى الەكساندر گريگورەۆيچ.
سۋرەتشىنىڭ بۇعان دەيىن 20-دان استام جەكە كورمەسى ءوتىپتى. ول ءوزىنىڭ جاڭا كورمەسىن ناۋرىز مەيرامى مەن ابايدىڭ 180 جىلدىعىنا وراي قويعانىن, وعان قالاعا كەلۋشى تۋريستەردىڭ ەرەكشە قىزىعۋشىلىق تانىتىپ وتىرعانىن ايتادى.
اباي وبلىسى