قازاقستان پرەزيدەنتى نۇرسۇلتان نازارباەۆتىڭ اتىنا مەملەكەت, ۇكىمەت باسشىلارىنان, حالىقارالىق ۇيىمداردىڭ جەتەكشىلەرىنەن سايلاۋداعى جەڭىسىنە بايلانىستى قۇتتىقتاۋلار ءالى دە كەلىپ جاتىر
ءۇندىستان پرەمەر-ءمينيسترى نارەندرا موديدەن قۇتتىقتاۋ جەدەلحاتى كەلدى, دەپ حابارلادى پرەزيدەنتتىڭ ءباسپاسوز قىزمەتى.
ن.مودي نۇرسۇلتان نازارباەۆتى پرەزيدەنتتىك سايلاۋداعى جەڭىسىمەن قۇتتىقتادى.
«قايتا سايلانۋىڭىز قازاقستان حالقىنىڭ ءسىزدىڭ كورەگەن كوشباسشىلىعىڭىزعا دەگەن سەنىمىنىڭ جارقىن ايعاعى بولىپ تابىلادى. سىزگە قارقىندى دامىپ جانە وركەندەپ كەلە جاتقان ۇلت قالىپتاستىرۋ جولىنداعى كۇش-جىگەرىڭىزدىڭ تابىستى بولۋىن تىلەگىم كەلەدى. قازاقستان ءسىزدىڭ باسشىلىعىڭىزبەن ىلگەرىلەۋ مەن دامۋدىڭ جاڭا ساتىسىنا اياق باساتىنىنا سەنىمدىمىن», – دەلىنگەن جەدەلحاتتا.
ءۇندىستان پرەمەر-ءمينيسترى ەكى مەملەكەت حالقىنىڭ دا ءال-اۋقاتىنا ىقپال ەتكەن جانە بۇكىل وڭىردەگى بەيبىتشىلىك پەن تۇراقتىلىققا ايتارلىقتاي ۇلەس قوسقان قازاقستانمەن ستراتەگيالىق سەرىكتەستىكتى ودان ءارى نىعايتۋعا ءوز ەلىنىڭ ءاردايىم بەيىلدى ەكەنىن اتاپ ءوتتى.
«مەن ەكىجاقتى بايلانىستاردى كۇشەيتۋ جانە ءارتاراپتاندىرۋ جونىندەگى بىرلەسكەن مۇمكىندىكتەردى تالقىلاۋ ءۇشىن ءسىزدىڭ ۇلى ەلىڭىزگە الداعى ساپارىمدى تاعاتسىزدانا كۇتۋدەمىن. ءسىزدىڭ قولداۋىڭىزبەن ءتۇرلى سالاداعى ىنتىماقتاستىعىمىزدى بولاشاقتا بۇدان دا جوعارى دەڭگەيگە كوتەرە الاتىنىمىزعا سەنىمدىمىن», – دەلىنگەن جەدەلحاتتا.
* * *
نۇرسۇلتان نازارباەۆقا ونىڭ قازاقستان پرەزيدەنتى بولىپ سايلانۋىنا بايلانىستى ەستونيا رەسپۋبليكاسىنىڭ پرەزيدەنتى تووماس حەندريك يلۆەستەن قۇتتىقتاۋ جەدەلحاتى كەلدى, دەپ حابارلادى پرەزيدەنتتىڭ ءباسپاسوز قىزمەتى.
ت.يلۆەس نۇرسۇلتان نازارباەۆتى قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى.
«قازاقستان ەۋروپالىق وداقتىڭ وڭىردەگى ەڭ ماڭىزدى سەرىكتەسى بولىپ سانالادى. ءبىز تاياۋ بولاشاقتا ىنتىماقتاستىعىمىز بۇرىنعىدان دا بەكي تۇسەتىنى ءۇشىن قۋانىشتىمىز. سونداي-اق, ەكونوميكالىق ىنتىماقتاستىق اياسىن كەڭەيتۋگە ءۇمىتتىمىز, بۇل ءبىزدىڭ قارىم-قاتىناستارىمىزدى ءارى قاراي ىلگەرىلەتىپ, تەرەڭدەتۋگە سەپتىگىن تيگىزەتىن بولادى», – دەلىنگەن جەدەلحاتتا.
* * *
يسپانيا ۇكىمەتىنىڭ توراعاسى ماريانو راحوي پرەزيدەنت نۇرسۇلتان نازارباەۆقا قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
م.راحوي ۇكىمەتتىڭ جانە جەكە ءوزىنىڭ اتىنان نۇرسۇلتان نازارباەۆتى پرەزيدەنتتىك سايلاۋداعى جەڭىسىمەن قۇتتىقتادى.
«وسى جاڭا مانداتتىڭ كەزىندە ءبىز ەلدەرىمىز اراسىنداعى ەكىجاقتى ىنتىماقتاستىقتى نىعايتۋدى جالعاستىرا الاتىنىمىزعا سەنىمدىمىن. يسپانيا ءۇشىن قازاقستان نەگىزگى سەرىكتەس بولىپ سانالادى. ءسىزدىڭ ەلگە مەنىڭ 2013 جىلى قىركۇيەكتە جاساعان سوڭعى ساپارىم ستراتەگيالىق قارىم-قاتىناستارىمىزدى نىعايتۋ مۇمكىندىكتەرى بار ەكەنىنە, سونداي-اق, قازاقستاننىڭ الەمدىك ارەناداعى جاۋاپكەرشىلىگىنە كوز جەتكىزدى, يسپانيا بۇعان قولداۋ بىلدىرەدى», – دەلىنگەن جەدەلحاتتا.
سوڭىندا يسپانيا ۇكىمەتىنىڭ توراعاسى قازاقستان پرەزيدەنتىنە جوعارى لاۋازىمدى قىزمەتتە تابىس تىلەدى.
ارمەنيا رەسپۋبليكاسىنىڭ پرەزيدەنتى سەرج سارگسيان قازاقستان پرەزيدەنتى نۇرسۇلتان نازارباەۆقا قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
س.سارگسيان نۇرسۇلتان نازارباەۆتى قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى.
«داۋىس بەرۋدىڭ داۋسىز قورىتىندىلارى قازاقستان ازاماتتارىنىڭ بۇدان ءارى دە ءسىزدىڭ باسشىلىعىڭىزبەن جۇزەگە اسىپ جاتقان, ەلدى ءارى قاراي الەۋمەتتىك-ەكونوميكالىق دامىتۋعا, ونىڭ حالىقارالىق ارەناداعى بەدەلىن ارتتىرۋعا باعىتتالعان اۋقىمدى جاڭعىرۋلار جولىمەن جۇرۋگە دەگەن بەكەم نيەتىن ايعاقتايدى. ارميان-قازاق ىنتىماقتاستىعى اياسىن ۇلعايتا ءتۇسۋ ماسەلەسىندەگى بىرلەسكەن كۇش-جىگەرىمىز, ءبىزدىڭ جەكە قارىم-قاتىناسىمىز الداعى ۋاقىتتا دا ارمەنيا مەن قازاقستان حالىقتارى اراسىنداعى دوستىقتى نىعايتۋ مۇددەسىنە قىزمەت ەتەدى دەپ ەسەپتەيمىن», – دەلىنگەن جەدەلحاتتا.
سوڭىندا ارمەنيا پرەزيدەنتى نۇرسۇلتان نازارباەۆقا دەنساۋلىق پەن باقۋاتتىلىق, باستامالارىنا تابىس, ال قازاقستان حالقىنا تاتۋلىق جانە باق-بەرەكە تىلەدى.
* * *
ماروككو كورولى VI مۇحاممەد پرەزيدەنت نۇرسۇلتان نازارباەۆقا قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
VI مۇحاممەد نۇرسۇلتان نازارباەۆتى قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتاپ, ونىڭ ەلدى ءارى قاراي دامىتۋ مەن وركەندەتۋگە باعىتتالعان بارلىق باستامالارىنا تابىس تىلەدى.
«وسى مۇمكىندىكتى پايدالانا وتىرىپ, ەلدەرىمىزدى بەرىك بايلانىستىراتىن يسلامي ارقاۋلار مەن ءتيىمدى ىنتىماقتاستىقتى نىعايتۋ, سونداي-اق, ءتۇرلى سالالارداعى قاتىناستارعا سەرپىن بەرۋ ماقساتىندا باۋىرلاس ەلدەرىمىزدىڭ جانە بارشا مۇسىلمان قوعامداستىعىنىڭ مۇددەسى ءۇشىن سىزبەن بىرگە بار كۇش-جىگەرىمدى جۇمساۋعا دايىن ەكەنىمدى بىلدىرگىم كەلەدى», – دەلىنگەن جەدەلحاتتا.
* * *
نۇرسۇلتان نازارباەۆقا پورتۋگاليا رەسپۋبليكاسىنىڭ پرەزيدەنتى انيبال كاۆاكۋ سيلۆانىڭ قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
انيبال كاۆاكۋ سيلۆا قازاقستان مەن پورتۋگاليانىڭ ەكىجاقتى قارىم-قاتىناستار اياسىنداعى ىنتىماقتاستىقتى نىعايتۋ ءۇشىن قاجەتتى مۇمكىندىكتەر اياسىن كەڭەيتۋدى جالعاستىرا بەرەتىنىنە سەنىم ءبىلدىردى.
پورتۋگاليا پرەزيدەنتى قازاقستان حالقىنا باق-بەرەكە تىلەپ, ءوسىپ-وركەندەۋىنە نيەتتەستىگىن جەتكىزدى.
* * *
كاتار مەملەكەتىنىڭ ءامىرى تاميم بەن حاماد ءال تاني قازاقستان پرەزيدەنتى نۇرسۇلتان نازارباەۆقا قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
تاميم بەن حاماد ءال تاني كاتار حالقىنىڭ جانە جەكە ءوزىنىڭ اتىنان نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتادى.
«سىزگە مىقتى دەنساۋلىق پەن تابىس تىلەپ, ال باۋىرلاس قازاقستان حالقىنا ءوسىپ-وركەندەۋى مەن ىلگەرىلەۋىنە نيەتتەستىگىمدى ءبىلدىرۋ ءۇشىن وسى مۇمكىندىكتى پايدالانۋعا رۇقسات ەتىڭىز. ەلدەرىمىز اراسىنداعى ىنتىماقتاستىقتى بولاشاقتا دا نىعايتا بەرۋگە دەگەن شىنايى ىقىلاسىمدى قابىل الىڭىز», – دەلىنگەن جەدەلحاتتا.
* * *
نۇرسۇلتان نازارباەۆقا ونىڭ قازاقستان پرەزيدەنتى بولىپ سايلانۋىنا بايلانىستى بۇۇ باس حاتشىسىنىڭ ورىنباسارى – ەسكاتو-نىڭ اتقارۋشى ديرەكتورى شامشاد احتاردان قۇتتىقتاۋ جەدەلحاتى كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
«ءبىزدىڭ كوميسسيا مەن قازاقستان اراسىندا ءوزارا ءىس-قيمىلدىڭ ۇزاق ءارى جەمىستى تاجىريبەسى بار. مەن سىزگە وسى جىلدار ىشىندەگى تىعىز ىنتىماقتاستىق ءۇشىن العىس ايتقىم كەلەدى. قازاقستاننىڭ ەنەرگەتيكا جانە قورشاعان ورتا سياقتى نەگىزگى سالالارداعى كوشباسشىلىعى بولاشاقتا دا جالعاسا بەرەتىندىگىنە سەنىمدىمىن. كوميسسيا ءسىزدىڭ ەلدىڭ وسى باعىتتاعى كۇش-جىگەرىن قولداۋعا دايىن», – دەلىنگەن جەدەلحاتتا.
__________________________
مەملەكەت باسشىسى اتىنا مەملەكەتتەر مەن ۇكىمەتتەر باسشىلارىنان, شەتەلدەردىڭ زاڭ شىعارۋشى ورگاندارى وكىلدەرىنەن, شەتەلدىك كومپانيالار جەتەكشىلەرىنەن قۇتتىقتاۋلار تولاسسىز كەلىپ تۇسۋدە, دەپ حابارلادى پرەزيدەنتتىڭ ءباسپاسوز قىزمەتى.
اتاپ ايتقاندا, پاكىستان پرەزيدەنتى م.حۋسەين پاكىستان يسلام رەسپۋبليكاسى حالقىنىڭ جانە جەكە ءوزىنىڭ اتىنان نۇرسۇلتان نازارباەۆتى پرەزيدەنت سايلاۋىنداعى تاريحي جەڭىسىنە بايلانىستى رياسىز كوڭىلدەن قۇتتىقتايتىنىن جەتكىزگەن.
«قازاقستان پرەزيدەنتى جوعارى لاۋازىمىنا سايلانۋىڭىز ءسىزدىڭ ەلباسى رەتىندەگى بيىك بەدەلىڭىزدى, سونداي-اق حالىقتىڭ سەنىمىن جانە بۇدان ءارى ءوسىپ-وركەندەيتىنىنە دەگەن سەنىمدىلىگىن ايعاقتايدى», – دەلىنگەن جەدەلحاتتا.
م.حۋسەين قازاقستان مەن پاكىستان اراسىنداعى سىندارلى ديالوگ الدا دا ەكى ەلدىڭ جانە قوس حالىقتىڭ باۋىرلاستىق قارىم-قاتىناسىن نىعايتۋعا سەپتىگىن تيگىزەتىنىن اتاپ وتكەن.
ءوز كەزەگىندە كاتار مەملەكەتىنىڭ پرەمەر-ءمينيسترى – ىشكى ىستەر ءمينيسترى ابدۋللا بين ناسسەر بين حاليفا ءال تاني جانە كاتار مەملەكەتى ءامىرىنىڭ ورىنباسارى ابدۋللا بين حاماد ءال تاني نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتاپ, مىقتى دەنساۋلىق پەن تابىس تىلەدى, ەلىمىزدىڭ حالقىنىڭ ىلگەرىلەۋى مەن ءوسىپ-وركەندەۋىنە دەگەن نيەتتەستىكتەرىن ءبىلدىردى.
انتيگۋا مەن باربۋدا پرەمەر-ءمينيسترى گ.براۋن ەل ۇكىمەتى مەن حالقى اتىنان پرەزيدەنت سايلاۋىنداعى جەڭىسپەن رياسىز كوڭىلدەن قۇتتىقتايتىنىن جەتكىزگەن.
«ءبىزدىڭ ەلدەرىمىز حالىقارالىق دەڭگەيدەگى بىرقاتار ماڭىزدى ساياسي جانە ەكونوميكالىق ماسەلەلەر بويىنشا ءوزارا ىنتىماقتاسىپ كەلەدى. انتيگۋا مەن باربۋدا قازاقستاندى سەنىمدى دوس جانە سەرىكتەس رەتىندە قاراستىرادى. پرەمەر-مينيستر رەتىندە مەن ەلدەرىمىز اراسىنداعى باۋىرلاستىق قارىم-قاتىناس بۇدان ءارى تەرەڭدەي تۇسكەنىن قالار ەدىم. استانادا ەكسپو-2017 كورمەسىنىڭ ءوتۋىن تاعاتسىزدانا كۇتەمىن. ول فورۋمنىڭ «بولاشاقتىڭ ەنەرگياسى» دەگەن تاقىرىبى دەر كەزىندە كوتەرىلىپ وتىر. مەنىڭ ۇكىمەتىم بالامالى ەنەرگيا كوزدەرىن قىزۋ زەرتتەۋدە, سوندىقتان اتالعان سامميتكە قاتىسۋ مۇمكىندىگى ءبىز ءۇشىن ماڭىزدى مانگە يە جانە قاجەتتى ناتيجەسىن بەرەدى», – دەپ جازادى اۆتور.
باشقۇرتستان رەسپۋبليكاسىنىڭ باسشىسى ر.حاميتوۆ سايلاۋداعى نۇرسۇلتان نازارباەۆتىڭ ايقىن جەڭىسى ەلدى قارقىندى الەۋمەتتىك-ەكونوميكالىق دامىتۋ جولىنداعى پرەزيدەنت ساياساتىن قازاقستان حالقىنىڭ كەڭىنەن قولدايتىنىنىڭ ايعاعى ەكەنىن ايتادى.
«سىزگە شىن كوڭىلدەن مىقتى دەنساۋلىق, باقۋاتتىلىق جانە باۋىرلاس قازاقستان حالقىنىڭ يگىلىگى جولىندا جاڭا جەتىستىكتەر تىلەيمىز», – دەلىنگەن جەدەلحاتتا.
ءوز قۇتتىقتاۋىن اقش كونگرەسىنىڭ مۇشەسى ر.ۆەبەر دە جولداپ, نۇرسۇلتان نازارباەۆتىڭ قايتا سايلانۋى قازاقستان ازاماتتارىنىڭ لايىقتى سەنىمىنىڭ جانە مەملەكەت باسشىسىنىڭ ەلدەگى جانە شەتەلدەردەگى كوشباسشىلىعىنا دا ولاردىڭ سەنەتىندىگىنىڭ دالەلى ەكەنىن اتاپ وتكەن.
«مەنى ءسىزدىڭ ءوز حالقىڭىزدى امەريكا قۇراما شتاتتارىمەن ەكونوميكالىق ءوزارا ءىس-قيمىل باعىتىنا باستاۋعا دەگەن ىقىلاسىڭىز, سونداي-اق, وڭىردە تاتۋلىق ورناتۋ جونىندەگى بەرىك ۇستانىمىڭىز قاناتتاندىرادى. ەلدەرىمىز وسىعان دەيىن قول جەتكەن پروگرەسس نەگىزىندە بۇدان ءارى دە قارىم-قاتىناسىن جالعاستىرادى دەپ كۇتەمىن. ءسىزدىڭ سارا باسشىلىعىڭىزبەن قازاقستاننىڭ ەل ىشىندەگى جانە شەتەلدەرگە قاتىستى باستامالارىڭىز ورىستەۋىن جالعاستىرا بەرەرىنە سەنىمدىمىن», – دەلىنگەن جەدەلحاتتا.
اقش كونگرەسىنىڭ تاعى ءبىر مۇشەسى د.روراباكەر نۇرسۇلتان نازارباەۆتىڭ باسشىلىعىمەن قازاقستان تەك اۋماعىنىڭ ۇلكەندىگى جونىنەن ءىرى ەل رەتىندە عانا ەمەس, الەمدىك ساۋدا-ساياسي قارىم-قاتىناستاردا بارعان سايىن ماڭىزدى ءرول اتقارىپ وتىرعان ەگەمەن حالىق رەتىندە دە قايتا وركەندەگەنىنە نازار اۋدارعان.
«مەن قازاقستاندى ءدىني تولەرانتتىلىق پەن ۇيلەسىمنىڭ ۇلگىسىنە اينالدىرۋ جونىندەگى ماقساتىڭىزعا ايرىقشا ىقىلاسىمدى بىلدىرەمىن», – دەپ جازادى اۆتور.
تمد ەكونوميكالىق سوتىنىڭ ءتورايىمى ل.كامەنكوۆا بۇكىلحالىقتىڭ داۋىس بەرۋ ناتيجەلەرى قازاقستان پرەزيدەنتىنىڭ بيىك بەدەلى مەن ونىڭ ەلدى وركەندەتۋگە جانە باسقا مەملەكەتتەرمەن ءوزارا ءتيىمدى ىنتىماقتاستىقتى دامىتۋعا باعىتتالعان جاسامپاز ساياساتىنا دەگەن حالىقتىڭ زور سەنىمىن ايعاقتايتىنىن اتاپ وتكەن.
«رۋسسنەفت» ۇك اق ديرەكتورلار كەڭەسىنىڭ توراعاسى م.گۋتسەريەۆ سايلاۋشىلار تاراپىنان كورسەتىلگەن جوعارى سەنىم قازاقستان پرەزيدەنتىنىڭ ەل ازاماتتارى اراسىنداعى بەدەلىنىڭ ايعاعى ەكەنىنە نازار اۋدارعان.
«قازاقستاننىڭ ورنىقتى, قارقىندى دامۋىنا, ونىڭ ونەركاسىپتىك, عىلىمي جانە مادەني الەۋەتىن اشۋعا, مەملەكەتتىڭ حالىقارالىق ارەناداعى ۇستانىمىن نىعايتۋعا, ەل ازاماتتارىنىڭ ءال-اۋقاتىن جاقسارتۋعا قوسقان ءسىزدىڭ ۇلەسىڭىزگە باعا جەتپەيدى. كەمەل مەملەكەتتىك قايراتكەر, دانا ساياساتكەر – ءسىز ءوز ەلىڭىزدىڭ تاريحىنىڭ ەڭ جارقىن بەتتەرىن جازدىڭىز. ءسىزدىڭ باسشىلىعىڭىزبەن جۇزەگە اسىرىلىپ جاتقان ەكونوميكانى جاڭعىرتۋدىڭ ءتيىمدى ءارى جۇيەلى ساياساتى, قازاقستان رەسپۋبليكاسىنىڭ تۇراقتى ءارى تەڭگەرىمدى دامۋىن قامتاماسىز ەتۋ جونىندەگى شارالار جۇيەسى بارشا الەمدە مويىندالىپ جاتىر», – دەلىنگەن قۇتتىقتاۋدا.
قولداۋ لەبىزىن Metro Group كومپانياسى باسقارماسىنىڭ مۇشەسى م.فرەزە دە جەتكىزىپ, ءبىزدىڭ ەلدە زاماناۋي ساۋدانىڭ وركەندەۋىندەگى نەگىزگى ءرولدى قولايلى ىسكەرلىك ورتا اتقاراتىنىنا توقتالىپ وتكەن.
«قازاقستانداعى ينۆەستيتسيالىق احۋالدى جاقسارتۋعا باعىتتالعان ءسىزدىڭ الىستى كوزدەگەن كوزقاراسىڭىز ءبىزدىڭ بيزنەسىمىزدىڭ دامۋى ءۇشىن باستى جاعدايات بولىپ سانالادى», – دەلىنگەن حاتتا.
Claas كونتسەرنى بايقاۋشىلار كەڭەسىنىڭ توراعاسى ك.كلااس-ميۋلحويزەر وتكەن سايلاۋدىڭ قورىتىندىلارى قازاقستان پرەزيدەنتىنىڭ ءوز ەلىن دامىتۋعا باعىتتالعان كوپجىلدىق تابىستى جۇمىسىنا جوعارى باعا بەرگەنىن اتاپ وتكەن.
ءوز قۇتتىقتاۋىندا Heidelbergcement كومپانياسى باسقارماسىنىڭ مۇشەسى ا.كەرن سايلاۋداعى نۇرسۇلتان نازارباەۆتىڭ جەڭىسى قازاقستان حالقىنىڭ ءوز كوشباسشىسىنا جانە ەلدىڭ قازاقستان ەكونوميكاسىن دامىتۋعا, تەرەڭ رەفورمالار جۇرگىزۋگە باعىتتالعان ساياسي باعىتىنا دەگەن جوعارى سەنىمىن ايعاقتايتىنىنا ءشۇبالانبايتىنىن ءبىلدىردى.
«سىزگە دەنساۋلىق جانە ەلدىڭ بۇدان ارعى ەكونوميكالىق دامۋىندا زور تابىستار ءتىلەيمىن, بۇل قازاقستانداعى بارلىق شەتەلدىك كاسىپكەرلەردىڭ مۇددەسىن كورسەتەدى», – دەپ جازادى اۆتور.
Atlas Copco Energas GmbH كومپانياسىنىڭ پرەزيدەنتى پ.ۆاگنەر بۇكىل ۇجىمنىڭ جانە جەكە ءوزىنىڭ اتىنان مەملەكەت باسشىسىن قۇتتىقتاپ, جاڭا تابىستار جانە جاۋاپتى قىزمەتىنە ساتتىلىكتەر تىلەگەن.
Papenburg AG كومپانيالار توبىنىڭ جەتەكشىسى گ.پاپەنبۋرگ ءبىزدىڭ ەلدىڭ دامۋىن ۇلكەن قىزىعۋشىلىقپەن باقىلاپ وتىرعانىن ايتا كەلىپ, قويىلعان مىندەتتەردى جۇزەگە اسىرۋدا تابىس تىلەدى.
Allen Global Companies كومپانياسىنىڭ باس ديرەكتورى د.نيكولستىڭ ايتۋىنشا, نۇرسۇلتان نازارباەۆتىڭ قايتا سايلانۋى ساياسي جانە الەۋمەتتىك تۇراقتىلىقتىڭ, سونداي-اق, ينۆەستيتسيالىق احۋالدىڭ جۇيەلى ءارى ويداعىداي بولىپ قالا بەرەتىندىگىنە كەپىلدىك بەرەدى.
«بيزنەس جەتەكشىسى جانە شەتەلدىك ينۆەستور رەتىندە ماعان بۇل تۇراقتىلىق ۇزاقمەرزىمدى ىسكەرلىك شەشىمدەر قابىلداۋ ءۇشىن قاجەت», – دەلىنگەن جەدەلحاتتا.
Dilenschneider Group كومپانياسىنىڭ باس ديرەكتورى ر.ديلەنشنايدەر نۇرسۇلتان نازارباەۆتى پرەزيدەنت لاۋازىمىنا قايتا سايلانۋىمەن قۇتتىقتاپ, مەملەكەت باسشىسىنىڭ قازاقستان دامۋىنا قوسقان ۇلەسىن اتاپ وتكەن.
ەڭ ىزگى تىلەكتەرى مەن ەلىمىزدى بۇدان ءارى جاڭعىرتۋ جونىندەگى ستراتەگيالىق جوسپارلارعا دەگەن قولداۋىن Rheinmetall AG كومپانياسى باسقارماسىنىڭ توراعاسى ا.پاپپەرگەر دە جەتكىزدى.
حالىقارالىق Katev قوعامدىق قورىنىڭ وكىلدەرى, قازاق-تۇرىك ليتسەيلەرى وقىتۋشىلارى, وقۋشىلارىنىڭ اتا-انالارى مەن تۇلەكتەرى ءوز قۇتتىقتاۋلارىندا وسى وقۋ مەكەمەلەرى جۇمىسىنا جاسالعان قامقورلىق پەن قولداۋ ءۇشىن العىس بىلدىرەدى.
«ءسىز ەل بولاشاعى ءۇشىن جاس ۇرپاقتىڭ ىرگەلى ءبىلىم الۋى ماڭىزدى ەكەنىن ايتا وتىرىپ, ءاردايىم عىلىم مەن ءبىلىمنىڭ دامۋىنا كوڭىل بولەسىز», – دەلىنگەن جەدەلحاتتا.
وكان ۋنيۆەرسيتەتىنىڭ قامقورشىلار كەڭەسىنىڭ پرەزيدەنتى, «وكان» حولدينگى ديرەكتورلار كەڭەسىنىڭ توراعاسى ب.وكان نۇرسۇلتان نازارباەۆ باسقارعان جىلدارى قازاقستان جوعارى ەكونوميكالىق جەتىستىكتەرگە جەتكەنىنە توقتالعان.
«ءسىزدىڭ كۇش سالۋىڭىزبەن تۇركيا جانە وزگە ەلدەرمەن تاتۋ كورشىلەستىك قارىم-قاتىناس تابىستى ورىستەپ كەلەدى. ءسىزدىڭ كۇش-جىگەرىڭىزدىڭ ارقاسىندا ەلورداسى استانا قايتادان سالىنىپ, بۇكىل قازاقستان جاڭاردى», – دەلىنگەن جەدەلحاتتا.
برازيليالىق «ورتاق عالامشار» مەدياحولدينگىنىڭ پرەزيدەنتى ۋ. دە رەسەندە قازاقستان مەن برازيليانىڭ قارقىندى دامىپ كەلە جاتقان قارىم-قاتىناسى ەكى ەلدىڭ حالقى مەن مادەنيەتى اراسىنداعى ىنتىماقتاستىقتى ارتتىرۋعا وڭ ىقپال ەتەرىنە سەنىم بىلدىرگەن. ول, سونداي-اق, نۇرسۇلتان نازارباەۆقا سارقىلماس كۇش-قۋات, دانالىق جانە قازاقستاندى ودان ءارى دامىتۋ ىسىندە شابىت تىلەگەن.
* * *
ۇلتتىق عىلىم اكادەمياسىنىڭ پرەزيدەنتى, اكادەميك م.جۇرىنوۆ ءوز قۇتتىقتاۋىندا نۇرسۇلتان نازارباەۆتىڭ باسشىلىعىمەن قازاقستان الەمگە دەموكراتيالىق, زايىرلى, بەيبىت, وركەنيەتتى, تولەرانتتى, مادەني قۇندىلىقتارعا اشىق, دامىعان ەكونوميكاسى بار مەملەكەت رەتىندە تانىلعانىن اتاپ وتكەن.
«نۇرلى جول» باعدارلاماسى مەن «ماڭگىلىك ەل» يدەياسى – ءسىزدىڭ ويىڭىزدىڭ جەمىسى. سوندىقتان قازاقستان بولاشاققا سىزبەن بىرگە عانا ۇمتىلادى. مۇنى وتكەن سايلاۋ بۇكىل الەمگە دالەلدەدى», – دەپ جازادى اۆتور.
ح.دوسمۇحامەدوۆ اتىنداعى اتىراۋ پەداگوگيكالىق ۋنيۆەرسيتەتىنىڭ ۇجىمى مەن ستۋدەنتتەرى ەل الدىنا قويىلعان ماقساتتارعا جەتۋ ءۇشىن «قازاقستان-2050» ستراتەگياسى مەن «نۇرلى جول» باعدارلاماسىن جۇزەگە اسىرۋدىڭ ماڭىزدىلىعىن اتاپ وتكەن.
«ءبىز ءاردايىم وزىمىزگە ارتىلعان ءۇمىتتى اقتاي وتىرىپ, سىزبەن بىرگە دامۋ جولىمەن جۇرەمىز جانە جاسامپاز ەڭبەك, تەرەڭ ءبىلىم مەن وزىق عىلىم ارقىلى ءوز ۇلەسىمىزدى قوسامىز», – دەلىنگەن حاتتا.
«بانك تسەنتر كرەديت» اق ەڭبەك ۇجىمى نۇرسۇلتان نازارباەۆتىڭ ايقىن جەڭىسى مەملەكەت باسشىسىنىڭ جۇرگىزىپ وتىرعان ستراتەگيالىق باعدارى مەن جاسامپاز ساياساتىن قازاقستان قوعامى كەڭىنەن قولدايتىنىنىڭ دالەلى ەكەنىن ايتادى.
«ءبىز ءسىزدىڭ ەكىجاقتى دوستىق بايلانىستار مەن سەرىكتەستىكتى نىعايتۋعا, قازاقستاننىڭ ەكونوميكاسىن وڭتۇستىك كورەيا بيزنەسىنىڭ قاتىسۋىمەن ءارتاراپتاندىرۋ جونىندەگى اۋقىمدى جوبالاردى تابىستى جۇزەگە اسىرۋعا قوسقان ۇلەسىڭىزدى باعالايمىز. قازاقستاننىڭ پروگرەسس جولىندا تۇراقتى ءارى جۇيەلى ىلگەرىلەۋى شەتەلدىك تىكەلەي ينۆەستيتسيالار تارتۋ مەن قارجى سەكتورىن تابىستى دامىتۋ ءۇشىن ماڭىزدى فاكتور بولىپ تابىلادى», – دەلىنگەن حاتتا.
پاتريوتتار پارتياسىنىڭ اتىراۋ وبلىستىق فيليالىنىڭ مۇشەلەرى نۇرسۇلتان نازارباەۆتىڭ سايلاۋداعى ايقىن جەڭىسىنە بايلانىستى قاناعاتتانۋشىلىق ءبىلدىرىپ, ءاربىر قازاقستاندىق وتباسىنىڭ باقۋاتتىلىعىن قامتاماسىز ەتۋگە كوڭىل ءبولىپ وتىرعانى ءۇشىن العىس ايتقان.
پاۆلودار وبلىسى ازاماتتىق اليانسىنىڭ وكىلدەرى مەملەكەت باسشىسىن سايلاۋداعى ايقىن جەڭىسىمەن قۇتتىقتادى.
«قازاقستان – بۇگىنگى الەمدە ءوزىنىڭ ورنىقتىلىعىمەن جانە تىنىشتىعىمەن ەرەكشەلەنەتىن از مەملەكەتتەردىڭ ءبىرى. وسىنىڭ بارىنە ءسىزدىڭ دانالىعىڭىز بەن ەلباسى دەگەن اتاققا لايىق مەملەكەتتىك قايراتكەرلىك تاجىريبەڭىزدىڭ ارقاسىندا قول جەتتى», – دەپ جازادى اۆتورلار.
قازاق كومپوزيتورى, كسرو جانە قازكسر حالىق ءارتىسى س.مۇحامەدجانوۆتىڭ وتباسى سايلاۋ نۇرسۇلتان نازارباەۆتىڭ باسشىلىعىنىڭ جارقىن ومىرگە باستايتىنىنا ەل تۇرعىندارىنىڭ سەنەتىنىن جانە ونى بۇكىل حالىق قولدايتىنىن كورسەتكەنىنە توقتالدى.
«ءسىزدىڭ ادامگەرشىلىگىڭىز بەن بارشا قازاقستاندىقتاردىڭ مۇقتاجدىقتارىنا دەگەن قامقورلىعىڭىز بىزگە ەلىمىز بەن بالالارىمىزدىڭ بولاشاعى قاۋىپسىزدىكتە جانە ۇدايى دامي بەرەدى دەگەن ءۇمىت پەن كۇش-قۋات بەرەدى», – دەلىنگەن جەدەلحاتتا.
مەملەكەت باسشىسىنىڭ اتىنا قۇتتىقتاۋلارىن قىزىلوردا وبلىسى سەكسەۋىل ستانساسى باستىعىنىڭ ورىنباسارى ءا.جاپاقوۆ, استانا قالاسىنان «چۋدو دەتستۆو» جەكەمەنشىك بالاباقشاسىنىڭ تاربيەلەنۋشىلەرى, الماتى قالاسىنان س.يبرايموۆا, شىعىس قازاقستان وبلىسى سەمەي قالاسىنان ە.ورازالين, قاراعاندى قالاسىنىڭ تۇرعىندارى ق.جۇمابەكوۆ, زياتكەرلىك مەكتەپ وقۋشىسى ا.ءابدىراسىلوۆ جولدادى.
اۆتورلار نۇرسۇلتان نازارباەۆقا تاۋەلسىزدىكتى نىعايتۋ, ساياساتتى, ەكونوميكا مەن ءمادەنيەتتى دامىتۋ ىسىندەگى قىزمەتىنە تابىس تىلەدى.