الماتى. 19 ماۋسىم. دەترويت (اقش) قالاسىنىڭ ماڭىندا ءومىر ءسۇرىپ جاتقان جەر شارىنىڭ كارى تۇرعىنى دجەراليەن تەللي ەسىمدى ايەل دۇنيەدەن وزدى. بۇل تۋرالى ۆۆس حابارلادى.
كەيۋانانىڭ تۋىستارىنىڭ ايتۋىنا قاراعاندا دجەراليەن تەللي بارلىعى 116 جىل, 25 كۇن ءومىر ءسۇرىپتى. «وسىنشا جاسقا قالاي جەتتىڭىز؟» دەگەن ساۋالعا ول ۇنەمى: «ءبارى دە ءبىر جاراتۋشىنىڭ قولىندىعى ءىس. مەنىڭ وعان ەش قاتىسىم جوق» دەپ جاۋاپ بەرەدى ەكەن. تەلليدىڭ ءوزى دە زامانداسى گەرترۋدا ۋيۆەر 117 جاسقا كەلىپ قايتىس بولعان كەزدەن باستاپ, ەڭ قارت ادام ساناتىنا قوسىلعان ەدى. جەر بەتىندەگى ەندىگى ەڭ قارت كىسى – نيۋ-يورك قالاسىنىڭ تۇرعىنى, تاياۋدا عانا 116 جاسقا تولعان سيۋزاننا دجونس ەسىمدى ايەل.
تالعات ءسۇيىنباي.
دەرەك: ۆۆس.
سۋرەت: Reuters.