«قازاقستان حالىق پارتياسى» فراكتسياسىنىڭ دەپۋتاتى ماگەررام ماگەرراموۆ وڭىرلەردى ارالاۋ بارىسىندا بايقاعان تۇيتكىلدى تۇيىندەردى جەتكىزدى, دەپ حابارلايدى Egemen.kz.
دەپۋتات ەڭ الدىمەن ەلىمىزدەگى ينۆەستيتسيالىق جانە بيۋدجەتتىك ساياساتتىڭ تيىمدىلىگىن ارتتىرۋ ماسەلەسىنە توقتالدى.
«كىشىگىرىم ەلدى مەكەندەردە حالىق سانى از فەلدشەرلىك-اكۋشەرلىك پۋنكتتەرىن سالۋ ماقساتىندا ءىرى كولەمدى جانە قىمبات جوبالاردىڭ قۇرىلىس جۇمىستارىن جۇرگىزۋ دەرەكتەرى ورىن الىپ جاتقانىن بىلەمىز. قحپ فراكتسياسىنىڭ پىكىرىنشە, وسىنداي ءتيىمسىز ارەكەت مەملەكەتتىك پەن جەكەشەلىك ارىپتەستىك جوبالارىنا تەرىس اسەر ەتىپ, ينۆەستيتسيالىق جانە بيۋدجەتتىك ساياساتقا كەرى ىقپالىن تيگىزەدى», دەدى ول.
سونداي-اق م. ماگەرراموۆ ارحيۆ جانە كىتاپحانا مەكەمەلەرىنىڭ ەڭبەك ۇجىمدارىمەن وتكەن كەزدەسۋدە جۇمىسكەرلەردىڭ ەڭبەكاقىسىن تولەۋدە الەۋمەتتىك ادىلەتسىزدىكتىڭ بار ەكەنىنە كوز جەتكىزگەنىن اتاپ ءوتتى. ايتۋىنشا مۇنىڭ سەبەبى ولار ءارتۇرلى ۆەدومستۆولارعا تىركەلگەن.
«مىسالى, كەيبىر ايماقتاردا مەملەكەتتىك كىتاپحانا قىزمەتكەرلەرى «مادەنيەت سالاسىنىڭ قىزمەتكەرلەرى» ساناتىنا جاتقىزىلسا, باسقالارىندا ولاردى ء«بىلىم جانە عىلىم قىزمەتكەرلەرى» رەتىندە قاراستىرادى. بۇل ماسەلەنى شەشۋ ءۇشىن بارلىق كىتاپحاناشىلاردى ءبىر جۇمىس پوزيتسيالارى رەەسترىنە قوسىپ, قازاقستاننىڭ بارلىق وڭىرلەرىندە ەڭ جوعارى كوەففيتسيەنت بويىنشا جالاقى تولەۋ قاجەت», دەدى دەپۋتات.
بۇدان كەيىن دەپۋتات اپتەكالىق ناشاقورلىقتىڭ الدىن-الۋ شارالارى جوعارى دەڭگەيدە جۇزەگە اسىرىلۋى كەرەكتىگىن ايتتى. سونىمەن قاتار جىنىستىق زورلىقتىڭ قۇربانى بولعان جانداردىڭ جەكە اقپاراتتارى جالپاق جۇرتقا جايىلىپ كەتپەۋ امالدارىن كۇشەيتۋ كەرەكتىگىن ەسكەرتتى.
«ادام قۇقىقتارى (بالالار) ينستيتۋتىنىڭ قوعامدىق ۇيىمدارمەن جانە بۇقارالىق اقپارات قۇرالدارىمەن ۇزدىكسىز, تىكەلەي جانە ءتيىمدى جۇمىسىن قامتاماسىز ەتۋ قاجەت, سونداي-اق زارداپ شەككەندەر تۋرالى اقپاراتتىڭ الدىن الا تارالۋىنا جول بەرمەي, جابىرلەنۋشىنىڭ قۇقىقتىق قورعالۋىن قوعام نازارىنسىز قامتاماسىز ەتۋ كەرەك», دەدى ءسوز سوڭىندا م. ماگەرراموۆ.