استانا. 4 مامىر. مەملەكەت باسشىسىنىڭ جارلىعىمەن امانتاي كۇرەڭبەكوۆ قازاقستان رەسپۋبليكاسى مەملەكەتتىك كۇزەت قىزمەتىنىڭ باستىعى بولىپ قايتا تاعايىندالدى. بۇل تۋرالى akorda.kz حابارلادى.
امانتاي كۇرەڭبەكوۆ 1956 جىلى 9 قاراشادا الماتى وبلىسى, جامبىل اۋدانى, امانگەلدى اۋىلىندا تۋعان. لەنين اتىنداعى (قازىرگى قانىش ساتباەۆ اتىنداعى) قازاق پوليتەحنيكالىق ينستيتۋتىن جانە مينسكىدەگى كسرو مەملەكەتتىك قاۋىپسىزدىك كوميتەتىنىڭ جوعارعى كۋرسىن تامامداعان.
«كۇزەتىلەتىن ادامداردىڭ قاۋىپسىزدىگىن قامتاماسىز ەتۋدى ۇيىمداستىرۋ نەگىزدەرى» اتتى وقۋلىقتىڭ جانە «قازاقستان رەسپۋبليكاسى پرەزيدەنتى كۇزەت قىزمەتىنىڭ قولدانىسىنداعى تەرميندەر مەن ۇعىمداردىڭ ورىسشا-قازاقشا تۇسىندىرمە سوزدىگى» وقۋ-ادىستەمەلىك قۇرالى اۆتورلىق ۇجىمىنىڭ جەتەكشىسى.
اسكەري اتاعى – گەنەرال-مايور. قازاقستان رەسپۋبليكاسى مەملەكەتتىك كۇزەت قىزمەتىنىڭ باستىعى مىندەتىن 2014 جىلدىڭ 3 شىلدەسىنەن بەرى اتقارىپ كەلەدى.
ەلامان قوڭىر.
دەرەك: akorda.kz.
سۋرەت: sgork.gov.kz.