فۋتزالدان ەلىمىزدىڭ قۇراماسى 7 ناۋرىزدا استانادا «ەۋرو-2026» دوداسىنىڭ ىرىكتەۋ ءتۋرنيرى اياسىندا البانياعا قارسى وينايدى. ارادا بەس كۇن وتكەننەن كەيىن ەرەۆاندا ارمەنيامەن شەبەرلىك بايقاسادى. الداعى ماتچتاردا كوماندانىڭ باس باپكەرى پاۋلو ريكاردو كاكا مىنا جىگىتتەرگە سەنىم ارتىپ وتىر: قاقپاشىلار – راۋان اتانتاەۆ («سەمەي»), نارۋن سەرىكوۆ («قايرات»), راۋان سيسەنعاليەۆ («ايات»). قاپتالداعى ويىنشىلار – ءبىرجان ورازوۆ, داۋرەن تۇرساعۇلوۆ, ارنولد كناۋب, جاھانگير ءراشيت, دامير قايىرباي («قايرات»), شىڭعىس ەسەنامانوۆ, اقجول ءدارىباي, ەرجان قارمەنوۆ («سەمەي»), لەو مەندونكا (رفش, لاتۆيا), ازات ۆاليۋللين («ايات»), اسحات كۇلباەۆ («اقتوبە»), نۇرسۇلتان پيالى («ورداباسى»), الەكساندر دەريابين («تيۋمەن», رەسەي).
شورت-ترەكتەن كانادانىڭ كالگاريىندە وتكەن جاستار اراسىنداعى الەم بىرىنشىلىگىن ەلىمىزدىڭ قۇراماسى ءتورت جۇلدەمەن قورىتىندىلادى. 1000 مەترگە جۇگىرگەن الينا اجىعاليەۆا قولا مەدالدى موينىندا جارقىراتسا, تاعى ءبىر كۇمىس پەن قوس قولانى جەرلەستەرىمىز ەستافەتالىق سايىستا جەڭىپ الدى.
فرانتسيانىڭ كانن قالاسىندا شاحماتتان Festival International des Jeux 2025 ءتۋرنيرى ءوز مارەسىنە جەتتى. 147 قاتىسۋشىنىڭ قاتارىندا 8 گروسسمەيستەر (GM, WGM), 21 حالىقارالىق شەبەر (IM) بولدى. جارىستا قازىبەك نوگەربەك ءساتتى ونەر كورسەتتى. 9 پارتيادان سوڭ 7 ۇپاي جيناپ, قولا مەدالدى يەلەندى.
17-25 مامىر ارالىعىندا قاتاردىڭ استاناسى – دوحادا ۇستەل تەننيسىنەن الەم چەمپيوناتىنىڭ جالاۋى جەلبىرەيدى. ءدۇبىرلى دودادا قازاق ەلى نامىسىن كيريلل گەراسيمەنكو (جەكە سايىس), ايدوس كەنجەعۇلوۆ/سانجار جۇبانوۆ (جۇپتىق سايىس), سارۆينوز مىرقادىروۆا/زاۋرەش اقاشەۆا (جۇپتىق سايىس), ۆلاديسلاۆ زاحاروۆ/باقداۋلەت اكىمالى (جۇپتىق سايىس), ەسكەندىر حاركي/انگەلينا رومانوۆسكايا (ميكست) قورعايدى.