الماتى. 4 مامىر. «الماتى» قوناق ءۇيىنىڭ فاسادىندا رەيحستاگ عيماراتىنا تۋ تىككەن قازاق باتىرى راحىمجان قوشقارباەۆقا ارنالعان مەموريالدى تاقتا قويىلدى. سوعىس ارداگەرى 20 جىلدان استام وسى قوناق ءۇيدىڭ ديرەكتورى قىزمەتىن اتقارعان. بۇل تۋرالى inform.kz حابارلادى.
ميتينگىگە قاتىسۋشىلار تاريحقا ءبىر ءسات تەرەڭ ءۇڭىلىپ, راحىمجان قوشقارباەۆ جايلى ەستەلىكتەر ايتتى. ونىڭ مايدان دالاسىنداعى ەرلىگىن بۇگىنگى ۇرپاققا ۇلگى-ونەگە رەتىندە باياندادى.
150-ءشى اتقىشتار ديۆيزياسىنىڭ جاۋىنگەرلىك ءىس-قيمىل ارەكەتتەرىنىڭ كىتابىندا «1945 جىلى, 30 ءساۋىر كۇنگى 14 ساعات 25 مينۋت كەزىندە لەيتەنانت راحىمجان قوشقارباەۆ پەن قاتارداعى جاۋىنگەر گريگوري بۋلاتوۆ عيماراتتىڭ ورتالىق بولىگىنە جەر باۋىرلاپ بارىپ, كىرە-بەرىس باسپالداققا قىزىل تۋدى تىكتى»,–دەپ جازىلعان. سول كەزدە ولىمگە باس تىككەن قوس جاۋىنگەردىڭ ەرلىگى ەرەكشە ەسكەرىلىپ, ەكەۋى دە كەڭەس وداعىنىڭ باتىرعى اتاعىنا ۇسىنىلعان. الايدا, لەيتەنانت راحىمجان قوشقارباەۆ قىزىل تۋ وردەنىمەن ماراپاتتالدى.
تاريحي شىندىق قازاقستان تاۋەلسىزدىك العاننان كەيىن عانا عۇمىرلىق سالتانات قۇردى. رەيحستاگقا تۋ تىككەن قازاق باتىرىنا 1999 جىلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جارلىعىمەن «حالىق قاھارمانى» اتاعى بەرىلدى.
تالعات ءسۇيىنباي.
دەرەك, سۋرەت: inform.kz.